受旅日遊客喜愛嘅日本製基礎美容保養品非常多，其中提到人氣屹立不倒嘅商品的話，就必定非KOSE雪肌精莫屬，據講佢嘅全世界一日銷量甚至達4,400支（※）𠻹！但到底佢點解會咁受大眾歡迎呢？今次就等我哋FUN! JAPAN團隊中美意識甚高嘅兩位女性成員嚟揭開呢個秘密啦！
※出自KOSE官方網站，數據截自2015年1月。
哇！超級可愛呀～～～～～♪仲要換咗新包裝呢！
因為已經春天，所以就跟著換成櫻花圖案包裝啩？日本十分注重四季變化，商品包裝都會跟著四季而變化㗎！
我由泰國嚟到日本已經兩年，感覺隨著季節變化，肌膚狀況都會一齊受到影響呢。
係呀～我由台灣嚟到日本都係兩年，由於日本空氣質量會因季節不同而有所改變，因此基礎保養品都必須隨著季節更換呀。
雖然有啲麻煩，但亦因此可以挑戰新商品，所以會覺得好興奮好開心！
係呀！喺台灣，雪肌精呢款產品係喺百貨公司先買得到嘅產品；喺日本的話就一般藥妝店就有得賣，所以新商品都可以輕輕鬆鬆地就買得到。如果台灣都可以咁輕鬆買到就好喇。
今次係我嚟到日本後第一次買雪肌精嚟用，我覺得佢好適合我冬天嘅肌膚。我好喜歡佢能夠瞬間滲透到肌膚嘅滋潤感，我亦會將雪肌精加到紙面膜上拎嚟敷臉𠻹。
Jum嘅皮膚咁白皙透亮，原來係因為平時就有努力保養呀～
Nicole皮膚都好好呀，妳係由咩時候開始用化妝水嘅呢？
我由學生時期就開始用㗎喇。雪肌精的話，就係大學時同學介紹嘅，由嗰陣時我就開始用雪肌精。
咦？咁後生就知道雪肌精而且開始用喇？？
嗰陣啱啱好係雪肌精日本人形象模特兒出演荷李活電影嘅時候，嗰位模特兒有著白皙透明嘅肌膚、高雅嘅氣質、修長挺立嘅站姿，對我嚟講實在係非常有衝擊性呢…
Nicole，妳而家講緊嘅內容唔係關於雪肌精，而係嗰位日本人模特兒喎!!??
啊，唔小心離題𠻹（伸脷）。日本人每日都全妝上陣但仲可以保持靚靚肌膚嘅原因，就係因為基礎保養用得好嘅關係。好多台灣人都堅持用無添加化學物質嘅保養品，所以可以喺台灣買到日本高品質保養品的話真係會令人覺得相當興奮呢。
一齊嚟擠少少試用啦？啊，即刻就可以感覺到好舒服嘅觸感喎。
（將雪肌精搽於手上，並聞聞手上味道）日本嘅化妝保養品味道都唔會太強烈，喺泰國都係味道清爽嘅化妝保養品比較受歡迎。
台灣都係喎！哇～好清爽嘅香味呀！（將雪肌精搽於手上，再聞聞手上味道）嗯，味道唔會一直殘留。等我順便再搽少少喺頸到先。
啊～Nicole好貪心～
無辦法啦，鬼叫冬天咁乾燥，必須要用心好好保濕先得。妳話係唔係先？
咁我都要搽～！
無錯無錯就係咁！女人喺追求靚嘅時候就係要夠貪心先得嘛！
搽完後我覺得肌膚好似變得比較柔軟，好滋潤好光滑嘅感覺。而且吸收得好快，唔會畀人「痴立立」嘅感覺𠻹。
Jum妳呢個好似係拍緊廣告嘅對白喎（笑）但同其他化妝水相比，佢嘅滲透力真係幾唔錯，就好像畀肌膚飲飽咗水一樣…（望向遠方）
Nicole妳先係好似拍廣告咁！（笑）
無辦法呀～因為係事實嘛！可以令成分確實滲透入肌膚裡，令肌膚可以好好休息，雪肌精果然好正呢。
但係價格上有少少貴呢。200mL化妝水要5,000日圓（未稅）、360mL 7,500日圓（未稅）喎。
啱呀～但係化妝水每日都需要用到，而且肌膚會跟著我哋過一世，所以隨著年齡嘅增長，逐漸升級自己嘅基礎化妝品會比較好。
泰國有一句諺語，意思係說肌膚白皙就可以隱藏缺點。所以，泰國女性對肌膚狀況同白皙度都非常講究。我認為涵蓋咗以上兩點嘅雪肌精會好適合泰國人使用呢。
亞洲國家都有好多女性受肌膚狀況困擾，例如當濕度高、乾燥、或者室內同室外濕度唔同嘅時候，所以雪肌精或者都會適用於泰國以外國家嘅女性喎。
Nicole妳睇，根據官方網站，雪肌精喺FUN! JAPAN有設網站嘅印尼、泰國、馬來西亞以及台灣都十分受歡迎呀！
真係喎！而且妳睇，呢到寫著迄今為止全球銷售嘅雪肌精加起嚟嘅長度，可以同環遊一圈亞洲主要城市嘅長度媲美呢！KOSE官方網站都幾得意喎！
從日本（東京）→中國（北京）→台灣（台北）→香港 →泰國（曼谷）→馬來西亞（吉隆坡）→新加坡，周游一圈嘅距離約7,913公里。哇～雖然唔清楚7,913公里到底有幾長，但聽上去真係好似好犀利咁！
根據呢啲數據以及我咃嘅親身體驗，我就可以信心滿滿咁推薦畀我嘅朋友用啦！
返回「FJ推薦！日本商品」頁面：超心動！！必買5款精選日本商品！FUN! JAPAN 團隊實測試用推薦！
Comments