2017年的嘅TOKYO MOTOR SHOW喺10月27日到11月5日期間盛大舉行。川崎重工業亦都喺今年嘅會場首次公開預計12月發售嘅新車種「Z900RS」。而呢款車嘅外觀好似川崎喺1970年代因為典雅嘅設計獲得大量人氣車款「Z1」咁，並且融合咗最新技術，令好多人都為咗睇佢一眼而嚟到活動會場。川崎除咗展示一般車款以外，仲展出咗各種利用改裝零件改造嘅車款俾來賓參觀。
做出Kawasaki機車嘅川崎重工業係一個點樣嘅公司呢？
製造出Kawasaki電單車嘅川崎重工業著手製造大型坦克、潛水艇船身、新幹線電車車輛、飛機、火箭等物品嘅高科技製造廠商。望住呢D經歷長大嘅實在係無辦法聯想到呢家公司竟然仲係電單車製造廠商喇掛！而川崎成為世界聞名嘅電單車製造廠商係喺45年前發售「Z1」呢款電單車嗰陣，「Z1」喺美國獲得空前人氣嘅關係。從製造電單車嘅時間嚟睇，同其他日本廠商相比，Kawasaki嘅大型、高性能電單車比例較高。甚至仲有忠實粉絲大叫「成世只會買Kawasaki」！
繼承「Z1」美麗外型嘅車款
就好似我哋啱啱所講嘅，呢次川崎喺TOKYO MOTOR SHOW展示嘅車款「Z900RS」參考咗「Z1」典雅設計嘅外觀所設計。油箱嘅顏色，亦都係用「Z1」中心顏色橘色塗裝。除此之外，排氣管、引擎、頭燈嘅金屬部亦透露出高價嘅大型電單車相符嘅質感。除咗原廠基本嘅車款外，大家亦可以睇睇改裝後嘅車款，都非常吸引眼球！
性能高嘅「Z900RS」12月預計發售？
「Z900RS」嘅引擎最高馬力係111，並且儀表板最高時速係到240公里，但有幾多個人可以飆到底呢？而佢嘅加速都非常出色，從停止開始加速，唔夠5秒就可以達到時速100公里嘅速度！目前定價設喺132萬8400日圓，相當高價。並且喺日本如果無專門駕照嘅情況，係唔可以駕駛嘅尊貴車款嚟嘅。目前暫定喺12月發售，而狂熱嘅粉絲似乎等佢嘅發售日等到頸都長，您哋係唔係都想嚟騎乘呢台尊貴嘅電單車呢？
Comments