【前情提要】
事源別府市某日於網上突然發表「湯～園地」計劃。
只要YOUTUBE影片點閱人數超過100萬次的話，就會將別府市一座老舊遊樂場改造成「溫泉主題樂園」。
「講笑咋吓嘛？」
「究竟會點樣籌備出溫泉呢？」
消息發佈當天就立即掀起各界討論，結果Youtube影片3日就達成100萬點閱率，網民於是就開始擔心別府市長似乎要為呢個玩笑「找數」。
作為「湯～園地」計劃負責人，別府市長野市長隨即於CAMPFIRE上開始募集「湯～園地」資金。
筆者之一嘅Yoppy作為「宇宙第一熱愛別府嘅男人」之溫泉愛好家一聽到呢個消息，亦不禁走去訪問別府市長－到底佢腦袋入面究竟係諗緊乜嘢呢？
去到現場，Yoppy反而被市長半強迫下接受贊助，「作為宇宙第一熱愛別府嘅Yoppy先生，您會願意出資幾多呢？」結果反而即場購入總值16萬贊助金嘅20人份量入園券，真係個慘痛嘅經驗呢！
湯～園地…
終於開幕啦～～～～～～！
無錯！今次嘅活動只限定於7月29日、30日及31日舉行三日！由於費用及營運問題，所以要長年開放仲係非常有難度。開放期間內只限定有份參加募資嘅人入場，而我嘅入場費畢竟係20人份量16萬贊助，當然要比其他人盡興20倍先啱啦！
湯～園地現場報導！
咻～～～～～～～～
咻～～蹦!!!!!!
啵～～～～～～
哇～泡泡勁好玩囉！但係有一樣令我在意嘅事情…
「要話呢到係一個『溫泉』好似有啲牽強，因為溫泉感完全係零呀！」
咻咻咻咻咻!!!
咻～～趴！
當日園內人超多，淨係排隊玩溫泉泡泡過山車都要等足180分鐘！
溫泉游泳池亦係盛況空前！
各個設施內都擠滿咗人潮，向「湯～園地」別府市「Rakutenchi」員工們打聽之下，先知今日人潮係平常假日嘅約10倍有多。佢哋都話「呢種盛況都係頭一次遇到」，簡直係太犀利！市長嘅主意居然可以演變成如此人山人海嘅盛大活動！
順帶一提，當日建議嘅服裝為泳衣與毛巾，
大家就算淨係圍著一條毛巾都玩得好盡興呢！
令人印象最深刻嘅係…壓倒性嘅義工人數！
為應付第一日嘅入場人數4000人，大會特地安排咗約500名義工到場協助，
其他仲包括園區廣播人員、或擔任園區內音樂部分嘅DJ Towa Tei，氣氛可以話係好到不得了！
本篇文源自日本當地旅遊資訊網站「SPOT」並由FUN! JAPAN團隊編輯刊登，大家覺得如何呢？
「SPOT」網站主旨為透過「熟悉當地嘅人」嚟介紹「真心推薦必玩必睇嘅觀光景點」等相關資訊。
想睇更多文章嘅朋友請按此＞＞＞https://travel.spot-app.jp/
Comments