提到京都觀光，您會想去邊個地方呢？相信一定有好多人都已經對一般觀光景點生厭啩？
如果您都係咁覺得的話，咁我哋就會推薦您到鴨川散步。京都同鴨川有著密不可分嘅關係，對於京都人嚟講都係特別重要嘅河川！咁鴨川散步嘅一日又應該如何悠閒渡過呢？
鴨川散步路線介紹
以下係享受鴨川自然風光嘅建議散步路線。對於已對京都混雜人潮感到疲倦嘅您，一定要睇啊！
首先從京都站出發，
從中央口出嚟後往塩小路向東走約10分鐘。
好似已經見到鴨川喇！繼續往前行...
就會發現寫著鴨川嘅橋。估唔到從橋上眺望呢條寛闊河川原來係咁壯觀嘅呢！
橋兩邊種有多棵綠色植物，淨係咁就已經畀人非常悠閒嘅感覺！
再嚟就請沿著呢條路行啦！
鴨川嘅特色就係通往下流嘅步道沿途設有約5公里嘅散步道。
一直沿著河川行的話，
您可以去到四条、三条及鴨川三角洲（出町柳）一帶，
上圖係平日影嘅相。
環境十分安靜，河川水流聲聽起嚟非常舒服。
雖然幾乎無任何途人，但白鷺就有好多，觀察鳥類亦係有趣嘅體驗呢！
步道唔算十分寬敞，但就有好好整修，所以行起嚟都算順暢！
有著典型京都風景嘅四条・三条
由開始地點行約2公里後，就會到達京都中心部分，亦即係祗園附近嘅四条。沿著河川並排嘅樓房超有京都感覺。到呢到附近開始，觀光客與穿著和服嘅人數就會變多。
觀光客同當地人都有，路上仲有人吹奏樂器唱歌。
再往北走，我哋就會見到三条大橋。
呢個地方以前曾經係刑場、現時則係休憩地方。
遊人都愛喺川邊悠閒地傾計、入夜時大學生們更經常聚集於此玩樂。
而且仲可以喺到見到鴨川好多夠晒得意嘅鴨仔！
三条河川邊會於夏天舉行著名嘅納涼床，
就連Starbucks都會設置納涼床㗎！
係咪覺得別有一番風情呢！
從三条大橋再往北邊走，居然仲會遇上咁稀奇嘅動物…
呢隻並唔係水豚啊！而係屬於有害動物嘅海狸鼠。
沿著鴨川行就可以遇到各種動物，真係非常有趣呢！
最後再到鴨川三角洲玩啦！
您有聽過鴨川三角洲嗎？
佢係一處曾經喺各種電影或動畫裡都有登場、由高野川及賀茂川合流嘅地方。從地圖上望上去就似三角形狀，地名夠晒容易理解！嚟到呢到就會叫人想試試「踩石頭過河」，因為河中央放有石頭，方便遊客踩著過河。
睇相感覺難度並唔高，但實情係真係有啲得人驚㗎！
計我話，試一次跳到對面時真係會種莫名成就感呢！
但係雨後第二日、又或水量增加時就會變得危險，記住唔好嘗試喇！
當然，今次介紹嘅路線都唔一定要您行畢程，
請您下一次務必要嚟鴨川散散步，再發現京都魅力呀！
Comments