嚟到日本，總係唔少得食番餐燒肉大餐。當我哋喺燒肉店見到菜單上有胸腹肉（五花牛）、肩胛肉（嫩肩肉）、牛舌等各式各樣肉品種類嘅時候，你又知唔知係牛嘅乜嘢部位？會唔會有選擇困難症發作、唔知到底要揀邊種肉先好。唔使驚！今次我哋就會為您介紹到燒肉店必點嘅人氣牛肉肉品！
燒肉店必點菜單之一「胸腹肉/腩肉」（カルビ）
胸腹肉（腩肉）喺韓文中有「肋骨之間嘅肉」之意思，係燒肉店內最常見到嘅一種肉品。將腩肉放到準備好嘅烤盤上燒一陣後，肉汁隨即就會瞬間溢出，一啖咬落去滿嘴都係油分快感，燒肉之最一名當之無愧！胸腹肉除咗可當作燒肉以外，亦會被當作牛丼食材。價格1盤80～90g約500～600日圓左右。
越咀嚼越好食嘅「牛舌」（タン）
牛舌係牛嘅舌根部位，肉質極為軟嫩、含有濕潤油脂，係眾多食家嘅最愛。如果夠新鮮的話，仲可以生食𠻹！用炭火燒一陣後加上現榨檸檬汁，口感清爽唔油膩，仲會越咀嚼越好食！而口味則會因燒肉店而異，既有事先將牛舌醃製好成鹽蔥味嘅舖頭，亦會有提供醬汁口味等風味嘅店家。
脂質較少、肉質有彈性嘅「肩胛肉」（ロース）
「肩胛肉」源自於英文「Roast」，亦即係「炭火燒烤」之意思。因為靠近牛肩膀，所以就被稱之為「嫩肩肉」。此部位含有適度脂質、肉質較有彈性，而肋骨靠近背部嘅「里肌肉」則肉質較厚、含較多油脂。新鮮肉質一般會呈漸層粉紅狀。
每一頭牛僅出產極少量嘅最頂級部位「腹身肉．橫隔膜」（ハラミ）
横隔膜之肌肉部分－腹身肉。乍看之下外觀類近紅身肉，不過喺流通上則會被歸類於內臟類。腹身肉富含纖維質而且食起上嚟嚼勁十足、略帶油脂，但就比五花肉擁有較低熱量，係近年相當受歡迎之部位。部分店舖提供嘅腹身肉，甚至會比起五花肉、嫩肩肉價格仲要平𠻹！當經過醬汁、鹽味醃製後，燒熟咗嘅腹身肉配上白飯絕對可以令您食慾大開！
Comments