近年電動私家車正於全世界引發熱烈討論，特別係中國以及歐洲等地區對於電動私家車嘅發展非常相當關注，甚至更有政策要喺不久將來令車商必須承擔生產電動私家車嘅義務𠻹！
其實早喺2009年及2010年，日本嘅三菱汽車以及日產汽車就已經分別開始販售電動私家車、於相當早期就著手於私家車電動化嘅策略。而為咗解決電動私家車低續航力嘅問題，全日本亦於短時間內設置多個快速充電站。
拯救電動車弱點：快速充電站
雖然電動車對於降低環境污染有著莫大貢獻，但係亦有弱點。最具代表性嘅例子，就係充電相當花時間。例如要充飽30kWh（可行駛大約250公里）嘅電池，利用200伏特需要充電8小時，而100伏特則需要整整一日24小時。而有助解決充電問題嘅，就係「快速充電站」。若然於快速充電站充電配上日產「LEAF」最新大型電池，只需要40分鐘就可以完成充電；而舊型「LEAF」或三菱「i-MiEV」則需要30分鐘就可以充至八分飽！日本現時已於全國設置多達7167處快速充電站，對提高電動私家車嘅續航力有著大大幫助，亦令電動私家車可以行駛嘅距離已經大大超過我哋想像呢！
希望可以令以下地區嘅讀者更加瞭解電動私家車嘅厲害～
香港：遊客可以揸著電動私家車環島㗎！
講咗咁多，係時候一齊嚟實際體驗電動私家車兜風之旅喇！今次我哋揀嘅車款係日產舊型「LEAF」，而目的地則係日本童話大師「宮澤賢治」嘅故鄉－岩手縣花卷。日產為購入電動私家車嘅買家提供一個月大約2000日圓就可以使用全國充電站嘅方案，無論奔馳幾多距離都唔會收多您錢；而充電站亦會顯示於導航畫面裡，如果您嘅手機有連上導航設備的話，只要撥打電話至日產服務電話，日產就會帶著您到最近嘅充電站！今次我哋大約每行駛100-150公里就會停低充電約30分鐘，一邊充電一邊旅行下，最後非常順利抵達目的地。雖然世界各國都話今後係電動車嘅時代，但係喺日本，似乎就已經領先一步、首先踏入電動車嘅時代呢。
Comments