日本人食雞蛋嘅方式有好多種，例如炒、煮、生食等都有，通常海外遊客到日本旅行時見到有咁多食法都會覺得非常驚訝。為此，今次我哋就將要介紹日本獨有、用雞蛋製成嘅創意料理。不過要提醒您，唔敢食生蛋嘅人就唔好夾硬食喇～
食壽喜燒時不可或缺嘅生雞蛋！
壽喜燒係火鍋料理之一，而食壽喜燒時就一定唔能夠缺少生雞蛋。最普遍嘅食法為將生蛋打入碗裡後用筷子攪拌，再將煲內煮熟嘅牛肉與蔥等食材蘸上蛋液進食。
沾過蛋液後嘅牛肉，無論係味道與口感都會變得非常香嫩，而最後仲可以將食唔晒嘅蛋液同白飯放入煲內特製成雞蛋粥𠻹！
關東煮必放「水煮蛋」
使用鰹魚同昆布熬製而成嘅高湯、再放入魚板、海鮮丸、甜不辣、油豆腐、白蘿蔔、芋頭等蔬菜類下去水煮而成嘅料理叫做「關東煮」，係寒冷冬季中最常食到嘅家常菜。而關東煮眾多食材中，最不可或缺嘅就係水煮蛋。先將蛋放喺事先準備好嘅煲內水煮後剝去蛋殼，然後再放入關東煮高湯內烹煮令其入味，就係眾多關東煮食材中最人氣嘅食法。提提您，食嘅時候沾上芥末會更好味㗎！
講到日式早餐，又點可以錯過生雞蛋撈飯！
講到日式早餐中一定會出現嘅基本菜單，就必定係生蛋撈飯。喺新鮮煮好嘅熱騰騰白飯上加入生雞蛋以及豉油、再用筷子攪拌好後即可食用。日本國內仲有販賣生雞蛋拌飯專用嘅豉油，您甚至可以經常喺日本各間酒店旅館都見到生雞蛋撈飯嘅早餐菜單𠻹！但情況換作海外，就會基於「衛生管理唔夠完善的話，食用生雞蛋會有食物中毒之風險」理由而變成一定要煮熟先食用嘅習慣，但日本人對於生食雞蛋一事反而就一啲問題都無呢！
仲有親子丼飯或半熟溫泉蛋等多種變化！
「親子丼飯」即係將雞肉與蛋液一齊煮熟後，放喺熱飯上而成嘅一道料理，但到底點解會叫做親子丼呢？
其實命名係源自雞（母親）與蛋（小孩）而得來。除咗親子丼飯係一道會令人憶起媽媽味道嘅家常菜之外，丼飯上蛋白部分為半凝固狀態、而蛋黃部分則為半熟濕滑口感嘅「溫泉蛋」亦係基本蛋料理之一。由於用上溫泉熱水或蒸氣製作而成，所以就叫做溫泉蛋。溫泉蛋唔單只會喺溫泉地出售，就連各間超級市場都可以見到佢嘅蹤影㗎！
除咗以上兩種蛋料理之外，日本仲有一種用番茄醬做調味料、將白飯用蛋皮包住而成嘅「蛋包飯」。下次去日本旅行時，千祈唔好忘記享用各種日本豐富嘅蛋料理喔～
Comments