如同12月時介紹過嘅日本人獨特嘅過聖誕節方式，日本人有一種特徵，就係無關宗教信仰，乜嘢節日都會想慶祝一番嘅習慣！好多時日本人過節嘅習慣同方法，同原本源頭嘅方式都會有啲唔同。例如今次要介紹日本人慶祝情人嘅方式，FUN! JAPAN嘅讀者朋友們睇完後，話唔定都會想嚟模仿一下？！
女生向男生告白嘅日子！仲要送朱古力
喺情人節起源嘅歐美國家，情人節係男生送禮物畀女生嘅日子，但喺日本卻係女生向男生表白嘅日子。據說係由當年朱古力製造商，為咗增加銷量而製作嘅廣告開始，逐漸形成咗呢種習慣。喺日本，企業廣告嘅宣傳方式，往往都會唔少變成與有別於原本節日起源或習慣嘅例子呢。
日本情人節送朱古力嘅方式係？
向對方送上親手整嘅朱古力係普遍表白方式之一（好似係），但係日本女性優雅矜持，要鼓起勇氣當面告白實在太困難。所以，如果係學生嘅話，通常唔會當面送，而係會將朱古力偷偷放入對方嘅鞋櫃或者係書枱嘅櫃桶入面。
咦？等陣先。鞋櫃即係放鞋嘅地方？竟然放食物放係入面？！而且未經他人同意就打對人地嘅鞋櫃／櫃桶，完全係犯隱私隱嘅行為！相信大家都會有呢啲疑問吧？不過日本就係咁特別嘅地方。喺漫畫或者動畫入亦好常見呢啲場面，所以好多人會跟住做。特別係學生之間，會覺得咁樣做係最正常，好理所當然。而當出咗社會做嘢之後，就會係親手送先比較適合。
注意純潔男生嘅行為舉動
對男生嚟講，情人節可唔可以收到朱古力係關鍵嘅決勝時刻。因為人人都期待想收到朱古力，好多男生都會喺情人節之前將鞋櫃同書枱櫃桶打掃乾淨，情人節當日仲要專登打扮得型啲咁返學。呢啲純情嘅男生為咗情人節傾盡全力，不過旁人睇起嚟，相信就會覺得有純真得令人會心微笑了。
向不受女性歡迎嘅男生表達感謝？送義理朱古力嘅習慣
「義理」嘅意思係大家都知道要遵守嘅倫理道德。情人節當中嘅義理朱古力，意思係唔係出自真心，而係跟從習慣嘅禮儀。亦即係話，雖然唔係戀愛對象，為咗多謝對方平日嘅照顧，就會送義理朱古力表達謝意。比起學生嚟講，社會人士更普遍會送義理朱古力。情人節通常係同心儀對象告白或者同情人度過嘅日子，但日本人就有送義理朱古力畀同事嘅習慣，真係好獨特呢！
順道一提，義理朱古力嘅代表，喺嚟自阿媽嘅朱古力！如果情人節當日成日都無收到朱古力，就算朱古力係媽媽送嘅，亦相信會感覺好窩心吧～
受歡迎嘅男生亦唔輕鬆！白色情人節要記得回禮
日本人有禮尚往來嘅習慣。2月14日係情人節，一個月後嘅3月14日係白色情人節。喺白色情人節當中，您之前收到幾多情人節朱古力，就要回返幾多禮！回禮禮物通常係曲奇餅或者白朱古力，但喺日本有句說話係「用小蝦去釣大鯛魚」（即係拋磚引玉），收到朱古力，而送返精緻昂貴嘅回禮亦好常見。因此，受歡迎嘅男生，往往會喺白色情人節時回禮時大傷荷包。
順道一提，男生收到義理朱古力都要回禮。日本企業喺白色情人節嘅時候，可以見到好多男生會送同事高級甜品或者朱古力。如果打算喺日本企業工作嘅話，大家要做足心理準備！
衍伸閱讀：
喺情人節嚟之前一個月左右，好多舖頭就會開始設置朱古力專賣區，出售各種特別嘅朱古力。如果打算喺呢段時期嚟日本嘅人，一定要試吓買呢啲特別嘅情人節朱古力！送義理朱古力亦可以，話唔定送完出去會收到回禮呢～！
Comments