所謂「聯誼」，即係由相同人數嘅單身男女，為咗結交男女朋友而舉辦嘅活動。如果咁啱現場有自己鍾意嘅男性嘅話，日本女生到底會採取咩行動呢？如果想要提昇男性對您嘅好感度，又有乜嘢密訣呢？今次就我哋請嚟日本OL嘅實際分享經驗心得，嚟為您解說日本聯誼嘅竅門啦！
聯誼密訣1：聯誼時一定要記得斟酒！
A小姐話：「雖然好鍾意飲酒，但係聯誼嘅時候總要節制下，因為萬一飲醉後，流露出本性就不得了。」「男性幫妳斟酒嘅時候，記住唔好擺出唔高興嘅表情，而當對方斟完酒後，就要記得遞上酒單叫佢點下一杯。如果酒瓶喺妳側邊嘅話，就要記得為大家斟酒。自己一邊控制酒量，同時一邊叫對方飲多啲，係非常重要嘅。」
簡單嚟講，聯誼嘅竅門係「自己飲少啲，但叫對方飲多啲。」
聯誼密訣2：服裝同化妝都唔好太華麗，自然就好！
A小姐又話：「妳可能會覺得，有可能會喺場內遇上自己鍾意嘅人，所以想要好好打扮一番。但係千祈唔好忘記，竅門係避免過度準備，唔好穿著過度時尚嘅服飾同化妝，最好就係保持自然就夠。」太過打扮嘅話，男性們就有可能會對您心生忌諱、同你保持距離。但係與此同時，亦唔好忘記聯誼前一定要去廁所補妝！據講，放工後無補妝就直接去聯誼地方，係眾所周知嘅一大禁忌嚟㗎！
聯誼密訣3：喺男神面前一定要控制自己！
A小姐繼續話：「即使聯誼成員中有自己鍾意嘅對象、想同佢傾多啲計，都唔好表現得太積極而被發現。萬一同行嘅女性中，亦對同一位男性有興趣嘅話，就麻煩喇！表現得太積極，男性反而會退避三舍，所以亦係非常危險嘅。」所以，先唔好擺出一副太在意嘅態度，唔好直接去拎對方嘅聯絡方式，反而係再個別擊破嘅命中率會比較高，重點係聯誼時保持適當距離感就夠！
聯誼密訣4：就算唔係妳嘅心水都要平等對待！
喺大會安排位置時，經常都會發生「坐喺旁邊嘅唔係鍾意對象」嘅情況。呢個時候，記住唔能夠表現出「無癮」態度，為此A小姐就話：「對所有男性都要平等對待，咁樣可以乘機表現出自己性格唔錯，男性對妳嘅好感度亦會上昇。千祈唔好表現出無聊或者好明顯對對方無興趣嘅態度，人人平等嘅處理方式係非常重要㗎。」
Comments