至今為止，有多種源自海外嘅甜品、例如tiramisu、椰果、生焦糖等都喺日本掀起一波又一波風潮。而呢批甜品熱潮又大多過咗一段時間後，就會漸漸淡去、變得唔再受人矚目。唯獨美式pancake由數年前喺日本掀起熱潮以嚟，熱度至今一直未散。走在聚集咗多家美式pancake專門店嘅原宿街上，您可以見到多家大排長龍嘅舖頭分散各處。趁住Ricotta pancake、Dutch Baby Pancake等新款pancake專賣店相繼開張，我哋就會喺今期文章中，將日本特有嘅pancake文化徹底介紹畀大家認識！
引爆pancake熱潮元凶－源自美國、澳洲之美式專賣店
掀起日本pancake熱潮嘅契機，就係2008年嚟自澳洲嘅「bills」。品牌首先於鎌倉七里之濱開設分店，其後2010年、嚟自夏威夷嘅「Egg’n Things」等店亦開始陸續從海外將據點延伸至日本，因而引發pancake盛世。各路品牌開店後吸引唔少慕名而來嘅pancake愛好者登門造訪、造成大排長龍現象並於當時成為一大話題。自此，就陸續有更多充滿個性、唔同風格囓pancake專門店喺日本開張營業。接落嚟，我哋將為大家介紹日本各種唔同門派嘅美式pancake。
點燃pancake熱潮嘅重要一角！口感鬆軟嘅「Ricotta Pancake」
「bills」招牌菜式Ricotta Pancake係最大特徵，就係於餅底中加入意大利Ricotta而營造出蓬鬆輕軟口感。Ricotta即由乳清製成之乳製品，脂肪含量非常低、整體口感清爽。Pancake餅底大半由乳清乾酪組成，因此口感比一般貨色嚟得更蓬鬆柔軟。當品牌於日本啱啱開店時，就因為顛覆咗日本人對pancake嘅概念及新鮮口感而造成轟動話題。
源自夏威夷！鮮忌廉佐以大量配料嘅「豪爽pancake」
若講到以衝擊性外觀奪人眼球嘅豪放路線美式pancake，則不得不推「Eggs’n Things」。Pancake上堆疊大量鮮忌廉、再佐上士多啤梨、藍莓等水果及堅果類配料，配料實在豐富得叫人幾乎忘記自己正係食緊pancake！將pancake上傳到社交網站必定會呃到大量like數，因此品牌亦特別受到10零歲青少年嘅歡迎呢！
質地綿密口感蓬鬆柔軟！「梳乎里pancake」
「FLIPPER'S」將「只需用叉即可輕鬆食用嘅輕軟口感」作為自家「梳乎厘pancake」賣點，並以口感彷彿似梳乎厘般蓬鬆柔軟、餅底質地如同絲絨般綿密為兩大特徵。日本料理搜尋網站上列有大量刊載梳乎厘pancake嘅做法同相關食譜，因此有唔少人都會喺屋企挑戰自製㗎！
用焗爐烘烤而成嘅「Dutch Baby Pancake」
有別與傳統美式pancake利用平底鑊嘅煎烤做法，「Dutch Baby」由焗爐烘烤而成，係德國傳統pancake料理之一。其口感與泡芙餅皮相似，pancake上通常都會加上鮮忌廉、雲呢拿雪糕、檸檬汁、砂糖等配料。以美國開業多年嘅老店「Original Pancake House」出品嘅Dutch Baby Pancake最為出名。
Comments