「御好燒」係一款於溶水小麥粉上加上椰菜、麵衣等材料，再喺鐵板上加熱並淋上醬料、鰹魚乾、紫菜以及沙律醬而成嘅料理，種類可分為關西風或關東風兩款。而文字燒，則係喺麵粉加後點上醬汁放喺鐵板上、用小平鏟食嘅料理。今次我哋就會向大家介紹御好燒與文字燒呢兩款日本獨特麵食料理嘅製法！
廣島風御好燒之做法與食法
先將鰹魚乾湯底同低筋麵粉混合攪拌後，再於鐵板上倒成薄片狀並於其上加入切絲椰菜、芽菜、蔥、麵衣、豬肉等等，當見到表面烤至微燶時就反轉另一面再燒。為咗避免整散形狀，反轉時記住竅門係喺面前用力往前翻！最後再放上炒麵及預先煎成嘅荷包蛋就完成。製法重點係，為咗唔好令內裡混雜太大顆粒，請記得先將小麥粉過篩，而且烘烤時亦唔好用小平鏟過分保護麵糰，只需輕輕地燒就得。
關西風御好燒（大阪燒）之做法與食法
用鰹魚乾湯底溶解小麥粉後，再將磨成泥嘅山藥、切塊高麗菜、蔥、紅薑、蝦等食材混合。其後將麵粉弄成圓形狀並使用湯羹等將麵粉倒到鐵板上，放上豬肉待3～5分鐘左右形狀固定後，再用小平鏟一口氣翻面，最後蓋上約4～5分鐘左右就會蒸熟喇！
提到關東風，就必定係文字燒！
主要材料以椰菜，麵衣等。將水與低筋麵粉以約17比1嘅比例混合後加入喼汁後，將椰菜、麵衣等等食材形狀做成如冬甩般嘅圓形，由中心開始倒入麵粉。待麵粉結成塊後，就可以將食材混合再用小平鏟邊撈邊吃，又或根據喜好加入調味料。七味粉、醬油同胡椒都係推薦之一。
睇完以上嘅介紹後您覺得如何呢？想唔想試試親手做呢？您又鍾意上述邊一款呢？歡迎留言話畀我哋知呀！
Comments