對於嚟日本旅行嘅外國遊客嚟講，「澀谷站前嘅十字路口」都係其中一個受歡迎嘅景點。呢個日本最大規模嘅十字路口，綠燈行人通行嘅時候，最多可以一轉有成三千人行過。就喺紅燈變成綠燈嘅同時，幾千人就踏出馬路向前行，但又唔會咁樣要撞對迎面而來嘅人，人多但有秩序，可以話係代表東京嘅一幕之一。咁你知唔知呢個澀谷十字路口，喺邊一日會係最多人？候選名單有以下三個日子。
世界杯足球賽，決定日本可唔可以喺分組賽出線嘅一日？
只要係日本足球代表隊嘅重要比賽日，澀谷站十字路口嘅附近，都會有警察事先部處，嚴正戒備以避免出現過份人多擠擁，導致混亂場面。到比賽日，如果日本隊確定勝出，十字路口變綠燈嘅瞬間，勁High嘅球迷們會一邊歡呼一邊衝過馬路，甚至陌生人都互相擁抱、擊掌慶祝，亦會叫日本隊嘅口號同唱應援歌，真係好示去咗慶典咁。當然，群眾裡面亦會有唔少外國遊客湊熱鬧，去澀谷體驗一下逼人嘅感覺，同埋影相打卡留念。
大型COSPLAY PARTY?! 萬聖節扮鬼扮馬嘅澀谷
萬聖節原本係慶賀秋季收成，同埋將惡靈趕走嘅節日，但由歐美傳進日本之後，就變成咗「一齊扮裝嘅日子」。萬聖節前嘅週末，或者萬聖節當日，喺澀谷站前嘅十字路口附近，會見到裝扮成惡魔、魔女或者喺動漫人物、著物人氣嘅年輕人，非常熱鬧！澀谷中心街、文化村路到道玄坂一帶，都會列為行人專用區，禁止車輛通行，開放俾cosplay嘅市民。喺附近嘅公園，亦會有更衣室或者廁所，夜晚亦會有交通管制，係每年嘅大規模盛事之一！
12月31日～1月1日嘅Countdown跨年！
由澀谷區公所同澀谷商店會所組成嘅「澀谷跨年執行委員會」，喺2018年除夕第三次舉辦跨年活動，呢次吸引咗大概12萬人參加。12月31日嘅夜晚10點會開始就會有交通管制，禁止附近嘅車輛進入。而去到倒數嘅時候，就會聽到「３、２、１！新年快樂！」誇年嘅時候祝賀聲此起彼落，而附近都都會著紅色燈光，令澀谷好似被暖暖嘅熱情包圍住！
Comments