Mazda 的Eunos Cosmo
Mazda係全世界汽車產業中唯一一間用汪克爾引擎（Wankel engine）製造一般市面可以買到嘅車。佢嘅巔峰係喺1990年到1996年賣嘅雙門跑車「Eunos Cosmo」所搭載嘅引擎。唔似「RX-7」等車款搭載雙轉子引擎，Eunos Cosmo所搭載嘅係三轉子引擎。雖然比較食油，但係性能可以講係一等一呢。而Eunos Cosmo都有設計搭載雙轉子引擎嘅版本，但係三轉子引擎版本到而家都仲係用緊一個好靚嘅價錢去販售。
唔輸俾V12引擎嘅驚人順滑度
所謂嘅轉子引擎，同一般活塞式嘅引擎唔同，轉子引擎無活塞，佢嘅運轉元件稱為轉子（rotor），轉子循偏心軸運轉，轉子室都會跟住迴旋，因此產生超快嘅轉速。所以只要使用細尺寸嘅引擎，就可以產生到非常大嘅動力，另外轉子引擎產生嘅振動都非常細，係呢個引擎嘅特色。雙轉子引擎雖然都有低震動嘅特色，但係被稱作「20B型」嘅三轉子引擎比雙轉子引擎更出色，安穩同安靜嘅程度，可以講係媲美到活塞式引擎嘅V12引擎呢！
Mazda夢寐以求嘅高級車市場
Mazda「Eunos Cosmo」車內裝潢
搭載咗三轉子引擎嘅Eunos Cosmo係當時日本絕無僅有嘅雙門高級跑車。義大利製嘅木紋中控台，同埋奧地利製嘅真皮座椅。另外都花咗特別心思喺避震器上。喺車體後方嘅避震器上，每一個車輪上都安裝兩個減震器，令乘客可以坐車坐得安穩。
利用三轉子引擎加速，沉靜嘅引擎聲瞬間將車速提升至每小時200公里以上嘅Eunos Cosmo正正就係Mazda要向世界展示劃時代新風格嘅高級車。
Mazda新計劃：打造高級轉子引擎跑車
次世代轉子引擎跑車「RX-VISION」-2
距離三轉子引擎停產已經過咗20年咁耐，Mazda而家策劃緊製作新嘅高級轉子引擎跑車。雖然唔係三轉子引擎可能令人有啲失望，但相信Mazda一定會再次重現用三轉子引擎俾人體驗揸車奔馳嘅快感！
Comments