隨住各個都道府縣嘅差異以及氣候條件嘅唔同，日本唔同地方嘅住民嘅氣質同埋價值觀都會因而有所變化。如果能夠先預習當地風土民情常識，無疑一定會有助旅程更加順利！「縣民性」一系列文章將會為大家介紹平時旅遊書唔會提及嘅各縣有趣二三事，帶您了解當地文化真實一面。而今次要分享嘅，就係連日本人心目中都算冷門嘅一個九州旅遊地—佐賀縣！
謙虛態度來自根紮於心武士道精神
自江戶時代起，武士基本精神於佐賀縣根深蒂固於當地人民心中。為追求腳踏實地努力嘅美德，佐賀縣縣民總係非常謙虛，可能就係出於呢個原因，佐賀縣官方亦少有大力對外宣傳當地魅力！
佐賀人性格樸素誠實、一絲不苟
佐賀縣平均工時為全日本最長，而且花喺保險上嘅費用亦比花喺飲食娛樂方面仲要多。要了解呢度嘅縣民性，其實由一句形容佐賀縣人嘅說話可以略知一二：「佐賀縣人行過嘅地方都會寸草不生」，意思即思形容佐賀人非常慳家。
除此之外，佐賀縣每人每日嘅垃圾製造量亦係全日本最少，可以話縣民喺日常生活中對於好多事情都非常執著努力，亦因為如此，縣民性格總係給畀外人一種非常堅毅有耐性嘅印象。
屋企大部分碗碟都係有田燒！？
佐賀縣係世界著名嘅「有田燒」產地、日本瓷器發源地。拉麵店、甚至連小學嘅午餐餐具都會選用有田燒。據聞佐賀縣民喺挑選陶器餐具時，都會先翻轉餐具底部檢查，確認係咪有田燒先買呢。
平價就可以買到豐富海鮮、A5等級佐賀牛
北臨玄界灘、南面有明海，被豐富海洋資源包圍嘅佐賀縣出產大量新鮮魚類，基本上可以係話賣出幾多就可以捉返到幾多。當然，實際上可以賣出嘅數量就......。所以，縣民通常都可以超低價就可以食到海鮮，甚至連飼養方式經過改良嘅A5級佐賀牛亦可以喺當地可以用超低價格就買到嘅食材！遊客有機會去到佐賀縣的話，真係記得要執平貨呀！
喺佐賀縣買土地會附送森林?!
最後仲有一件有趣要聞同大家分享，就係喺佐賀縣購買土地的話，地主仲可以得到相同面積嘅山林！超誇張！
日本全國仲有好多不可思議、獨一無二嘅縣民性，敬請期待下回縣民性格介紹，亦歡迎喺右邊嘅留言欄分享您嘅心得！如果您仲想知道邊個縣民嘅性格的話，就記得要踴躍留言喇～
Comments