日本嘅「拌飯素」係為白飯增添風味嘅一種調味料。上次介紹過拌飯素之後，我地收到「拌飯素除咗配白飯之外，仲有乜嘢食法呢？」嘅問題。於是我地即刻寫下面嘅食譜，請大家一定要試吓啊～！
拌飯素炒四季豆
平底鍋倒入麻油，放入切成小粒嘅四季豆，灑上鰹魚拌飯素，撈埋抄約30秒就完成♪可以直接配白飯食。四季豆含有非常豐富嘅營養。係同時含有β胡蘿蔔素、礦物質、9種胺基酸嘅超級蔬菜。如果想要比較清脆嘅口感，可以縮短炒四季豆嘅時間。
咖哩口味拌飯素炒番茄高麗菜
炒鍋加熱倒入油之後，放入切好嘅高麗菜同番茄，並灑上咖哩拌飯素一齊炒。炒到高麗菜變軟後即完成。加入雞肉或者火腿都會好夾好好食♪
紫蘇拌飯素配青瓜吞拿魚
將青瓜隨意切成塊狀，同吞拿魚罐頭連汁一齊倒入保鮮袋，加一大匙紫蘇香拌飯素，閂返袋口快速咁搖幾下就搞掂。呢個簡單嘅食譜仲可以叫小朋友幫忙一齊整呢～！係一個唔使用火，亦太需要洗餐具嘅簡單料理。
秋葵配鰹魚拌飯素
用滾水加鹽煮秋葵後，將秋蔡切成圓片，加入鰹魚拌飯素撈均勻。鍾意食納豆嘅人可以加埋納豆。秋葵含有豐富葉酸，係補充蛋白質同細胞嘅必要營養素。如果攝取唔夠，免疫力就會下降，容易導致感冒。所以食多啲美味嘅秋葵可以增加扺抗成啊！
芝麻鹽配乜都夾！最經典喺配薯仔
將1個（150克）嘅薯仔洗乾淨後，用保鮮紙包起嚟，放入微波爐中用600瓦加熱3分鐘。將薯仔切成適當大小，淋上橄欖油烤成焦黃色後，加入大量嘅芝麻鹽。就算攤凍放入便當到都好好食。
紫蘇香鬆口味炸雞
當我諗點樣整炸雞時，諗到可以加紫蘇味嘅拌飯素喺炸雞上面，全部一齊放入保鮮袋到搖幾下就得。炸雞同紫蘇嘅味道非常夾，食起來嚟非常爽口美味呢。
睇完以上介紹，大家覺得點呢？輕巧方便嘅拌飯素亦係去日本旅行嘅手信熱選之一。下次去日本旅遊時，一定要買嚟試吓喔！
Comments