三菱汽車以製作傳統越野多用途旅行車而聞名，若然要數到當中最經典嘅，就必定係「RVR」款式（亦有「ASX」、「OUTLANDER SPORT」等亞洲地區販售稱號）。2017年10月，汽車品牌就為RVR進行咗針對車體設計以及性能嘅大幅改良，改良過後嘅升級版外觀同大家之前所熟悉嘅ASX有著明顯分別。今次，我哋就親身試坐新型RVR於北關東一帶上山下海，為大家實際體驗到底有邊啲改良咗嘅地方！
提升安定性及舒適度嘅同時，亦無減少越野實力！
新型RVR最大嘅改變，就係避震器嘅升級。為咗令車身喺行駛時更安定，品牌特別加大咗彈簧直徑，尤其係用家於高速公路或山路奔馳時，就更可以明確感受到改良後嘅效果。即使喺高速公路上以高速行駛，但車體搖晃程度依然非常細，就算轉彎都可以維持一定穩定度。雖然此舉會令避震器僵硬度有所上升，但係反而就可提高乘坐舒適度，亦有助大大降低噪音產生。最重要嘅係，上述改變並無影響到RVR喺越野道路上嘅表現。喺四輪驅動「越野模式」下，RVR無論係喺沙灘定係未開發嘅道路上，都可以發揮出優秀奔馳力。
北關東係醉人風景嘅寶庫
今次我哋嘅目的地係被稱為北關東嘅地區－距離東京約150公里嘅茨城縣北部。雖然從東京出發經過一段高速公路就可以抵達，但係周遭嘅景色卻優美得完全唔似係大城市近郊呢！例如面向太平洋嘅日立市鹿島灘，就有著長長嘅海岸線，寬闊無垠嘅海景就座落喺您面前；而稍微駛向內陸方向，就更會嚟到與海岸地區截然不同嘅山林地區。森林裡面佈滿林道小徑，有多條小路甚至無鋪上柏油，可謂只有RVR呢種越野旅行車先有辦法進入嘅秘境！多得RVR，我哋先有機會見到有別於旅遊書名勝嘅不一樣靚景咋！睇完呢篇報導，您係咪都好想揸著RVR冒險、尋找屬於您自己嘅私藏景點呢？
Comments