喺日本嘅便利店、超市、麵包店入面，總會有好多種類豐富嘅麵包。甚至有一啲會令人忍唔住驚嘆「有咁樣嘅麵包嗎？」一啲對於海外旅客嚟講，從未見過，覺得不可思議嘅麵包。喺咁多種創意日本麵包入面，我地今次將會介紹喺麵包入面夾熟過嘅食材餡料嘅，日式熟食麵包！
日式炒麵Ｘ麵包嘅絕妙組合？「炒麵麵包」
日式炒麵可以話係每個日本家庭都鍾意食嘅日本國民美食之一。其做法嘅將蒸熟咗麵，同蔬菜、豬肉、菇類等配菜一齊放入鑊到炒，再淋上香濃美味嘅醬汁，就成為日式炒麵。炒麵麵包喺將炒好嘅日式炒麵，夾入長條型麵包麵入面嚟食嘅熟食麵包。呢款包亦都係便利店同買日本中小學嘅人氣午餐之一。或者好多人覺得「麵包加麵條」，炭水化合物Ｘ炭水化合物嘅組合好難以想像。但如果食過炒麵麵包之後，會發現濃郁嘅炒麵醬汁同麵包其實係絕配，好多人食過一次就會鍾意咗，回頭又再買。
咖哩做餡、外皮係麵包粉油炸而成嘅「咖哩麵包」
包入面有咖哩餡、外皮就沾上麵包粉油炸成香口嘅「咖哩麵包」。同炒麵麵包一樣，喺便利店、麵包店都係好常見嘅一款麵包。大多數餡料都係咖哩，而且以免治肉咖哩呢種比較少水分嘅餡料比較多，有時候亦會加埋蛋等做餡。係一種可以輕鬆食到嘅咖喱麵包。如果平時鍾意食咖哩，就絕對唔可以錯過呢款人氣嘅熟食麵包。
麵包中間夾炸薯餅嘅「日式薯餅麵包」
麵包中間夾住薯餅同椰菜絲、淋埋醬汁之後就變成美味可口嘅「日式薯餅麵包」。日式薯餅叫「可樂餅」，係將馬鈴薯煮軟弄成泥狀，並將碎肉配料混合後，揉成圓餅狀沾上少許麵粉後刷上蛋汁，再裹上麵包糠以油炸烹調。源自於法文嘅『Croquette』，係名副其實來佬貨。除咗夾可樂餅之外，亦有夾炸豬排嘅「豬排三文治」。
睇完呢篇嘅紹之後你覺得點樣？香港有無啲不可思議嘅熟食麵包呢？歡迎留言話畀我地知。又或者有啲創新嘅熟食麵包，例如燒賣麵包話唔定行得通？
Comments