冬天寒冷季節經常會帶畀好多人皮膚乾燥問題，例如呢個問題對我嚟講就相當嚴重，我多年來已經嘗試過好多唔同款式嘅護膚產品…
喺呢到，我就想分享一啲實際上對我有用嘅產品。
【保濕面膜】
近年面膜非常流行，去某啲藥妝店甚至可以100日圓就買到面膜，同時相對地都有部分高端化妝品牌賣成1000日圓一塊面膜。我想誠實話畀您哋知，用邊一款面膜並唔重要，重要嘅係面膜成分能唔能夠被皮膚吸收…
我通常都係喺藥妝店買價格合理嘅面膜用，然後喺沖涼後敷個15分鐘，咁就可以令臉部皮膚得到保濕，第二日皮膚就好似脫胎換骨一樣！
【ARGELAN：保濕化妝水】
ARGELAN係日本最大藥店連鎖店松本清嘅獨家商品， 標榜由有機成分製成嘅純天然化妝水，亦曾被多本日本美容雜誌推薦過。 即使品質咁高，但價錢都只需要1500yen左右咋！
【NIVEA：妮維雅霜】
呢個經典藍色錫罐係咪好有懷舊感呢？
我相信您哋當中好多人都曾經見過媽咪或婆婆用過佢。呢款最暢銷嘅面霜係由藥劑師於1911年研發，從此以後佢就成為最受歡迎護膚產品之一。 我已經嘗試過好多唔同body cream，但我總係會不斷回頭使用呢款老字號保濕霜。佢對您嘅皮膚有幾不可思議呢？ 夜晚瞓覺前，我會將佢搽喺乾燥腳底，然後第二日朝早起身後就會發現腳板底非常滑！佢唔單只可以滋潤皮膚，而且對您嘅嘴唇都有保濕效果呢！ 我甚至會將佢當做眼部修飾霜用呢！
【Biore：粉刺鼻貼】
上圖係呢個鼻貼嘅基本包裝。講到護膚品，我絕對會介紹佢，因為佢就好似一塊磁鐵咁擁有吸附力，可以吸出內深層污垢以及黑頭粉刺。記住使用過鼻貼後，千祈唔好忘記搽返啲爽膚水嚟修復滋養皮膚喎！
【Shu uemura：超完美定妝噴霧】
Shu uemura係日本化妝品品牌之一，因護膚品含有天然成分而享有盛名。 噴霧係碳鋅和油混合物， 當你想潤飾妝容時，只要輕輕一噴就可以令您馬上恢復神采。總共有四種唔同顏色代表四季，而粉紅色櫻花代表春天氣味，亦係我最鍾意嘅一款。
冬天天氣絕對唔係您皮膚最理想嘅季節，因為乾燥空氣中嘅低濕度會將水分帶走，所以一定要揀適合您嘅優質產品，先可以令皮膚感到最舒適啊！
Comments