日本國土狹長，北至北海道南至沖繩，隨著氣候地形嘅唔同，例如日本各地風俗、飲食習慣，甚至縣民性格、氣質與價值觀都會有所不同！如果可以事先了解旅遊目的地嘅文化，出發旅行前預先學定當地常識，一定可以令旅程更加順利、充實。有別於一般觀光介紹，「日本47都道府縣特輯」系列文章可以讓您真正深入了解當地文化，而第5篇，就等編輯部帶大家嚟到日本歷史嘅發源地—奈良縣！
奈良擁有日本最悠久歷史，所以小山丘大部分都係古代古墓！？
奈良縣以日本歷史最悠久古都見稱，日常生活中處處充滿歷史氣息，而奈良縣民都深深以此為傲！由於奈良係日本昔日首都，多座陵墓皆建造於此，因此奈良可以話係古墓與陵墓嘅寶庫。奈良古墓特徵在於，至今仍保存狀態仍良，因此遊客於奈良漫步時，不時可以見到小山丘或綠意盎然公園，而且每個古墓或公園都充滿重要歷史意義。一般日本人可能只會以一種純粹享受大自然心情觀光，但係對於當地嘅小朋友言，古墓一啲都唔會顯得稀奇，甚至喺古墓周圍四處奔跑玩耍係一件非常普通嘅事情呢。
起樓起屋有可能一直碰壁，因為到處都會挖到遺跡！？
喺奈良，隨地一挖都會挖到古蹟？！喺歷史悠久嘅奈良內，隨手挖到古蹟完全唔係一件稀奇事，而且起屋起樓前進行挖掘調查更係常見做法，甚至有居民起屋時更試過連續5次發現遺跡與古墓呢！亦有人因為工程一直受阻而慨嘆…
雖然如此，起屋一事對於奈良縣民而言卻依然非常重要。奈良縣內，無論男女都一般有為儲蓄而省吃儉用以及作風保守嘅風俗習慣，平時唔鍾意高調浮誇，亦唔會為面子而去買高級車或名牌，反而係踏實地一步步崔屋，努力儲錢以備不時之需。
「早起逃避罰款」 造就奈良人養成早起美德！
日本有句諺語叫「早起是三文之德」，意思就係「早起的鳥兒有蟲吃」，而據說呢句諺語起源就係奈良縣。傳說喺好耐以前，一戶人家嘅門口有一日突然發現一隻死咗嘅鹿，當時如果殺死鹿係要付罰款嘅，因此就出現「如果比其他人早起，就可以偷偷咁將死鹿搬到鄰居屋企門前避過罰款」嘅說法！亦可能係因為咁，奈良人普遍夜晚都好早瞓。雖然係每年有1300萬旅客觀光嘅大城市，但奈良主要車站附近嘅餐廳大多數夜晚8點就打烊。唔知係咪為咗隔日一早開始開舖，所以要儘早就寢呢？
睇完以上嘅文章，大家覺得如何呢？關於日本各地方人民性格「縣民性」嘅文章可以有排寫呢。歡迎您喺右邊嘅留言欄同我地分享您嘅感想。想知道邊個地區嘅縣民性，亦都歡迎提出！
Comments