一提到日本新年必做嘅重要事項就係新年參拜（初詣、Hatsumode）。大家喺新年嘅開始會到神社寺廟參拜，向神明表達對舊年嘅感謝，並祈求新一年一切順順利利。知名神社寺廟喺新年期間更加係人潮洶湧，跨年倒數至元旦凌晨3點呢段時間更加係擠迫得水洩不通，只係行到神前投放香油錢，就要用上3、4個鐘。新年時期造訪日本，不妨預留時間，嚟體驗一吓日本嘅新年參拜啦。
※以下新年開放時間為本文最後更新之資訊，最新情報請參閱各景點官方網站。
住吉大社
關西嘅住吉大社係日本全國各地住吉神社嘅總本社，自古以嚟就係信仰中心，每年年初都會有超過200萬人次前來參拜，非常熱鬧，係關西屈指可數嘅參拜景點。新年一開始就舉辦好多儀式活動。一提到新年參拜，大阪人肯定會異口同聲推薦「住吉大社」，可見住吉大社如此深受當地喜愛。
喺住吉大社腹地內，除咗1810年建造嘅日本國寶正殿，仲有住吉大社嘅象徵拱橋（反橋）以及多項文化財，仲有一棵千年樹齡嘅御神木，令人更加能夠感受住吉大社嘅歷史何等悠久。而住吉大社隔離嘅名產「煨番薯」，製作成番薯形狀嘅和菓子，非常受歡迎，適合買嚟當作手信帶返去。
2020-2021新年開放參拜時間：
- 12月31日 22:00～1月1日 18:00
- 1月2至5日 06:00～18:00
- 地址：大阪市住吉區住吉2丁目9-89
- 交通方式：
南海鐵道南海本線「住吉大社站」落車往東徒步3分鐘。南海高野線「住吉東站」落車，往西徒步5分鐘
阪堺電車（路面電車） 阪堺線 「住吉鳥居前站」落車直達
八坂神社
全國各地約3000祇園神社分社嘅總本社就係八坂神社，當地暱稱「祇園さん（Gion-san）」。喺跨年夜晚至元旦嘅「白朮參拜（をけら詣り）」嗰陣會有大批人潮造訪。御神火點燃吉兆之繩，將御神火帶返屋企，當作新年火種為求新一年平安順利。而神社境內嘅太田社白髭神社，主要保佑祈求技藝精湛，非常靈驗，祇園嘅藝妓同舞妓都會前嚟參拜。新年參拜期間神社境內同圓山公園周圍會有好多攤位出嚟擺攤，營業至1月5日，每日都會營業到深夜，可以盡情享受日本嘅屋台料理!
2020-2021新年開放參拜時間：
- 社務所 09:00～17:00
※神社範圍全日開放 - 地址：京都府京都市東山區祇園町北側625
- 交通方式：
京阪祇園四條站落車徒步約5分鐘
阪急河原町站落車徒步約8分鐘
從JR京都站開車出發車程大約15分鐘
JR京都站乘搭市營巴士206號，祇園落車直達
太宰府天滿宮
太宰府天滿宮係全國各地12000間天滿宮嘅總本社。每年大約有800萬人前嚟參拜，屬於社格高嘅神社。主要供奉學問之神，非常有名，係應考生祈求合格、學業進步嘅聖地。新年參拜期間，表參道沿途至神社境內都有好多攤位擺攤，營業至深夜嘅店鋪都唔少。嚟到呢度，絕對唔可以錯過太宰府名產，甜甜哋嘅現燒梅枝餅，非常好食。除咗飲飲食食以外，仲有好多遊戲攤位，參拜完可以嚟呢度邊行邊睇嘎。
2020-2021新年開放參拜時間：
- 12月31日 06:30～1月3日 全日開放
※2021年特別延長新年參拜期間至3月底 - 地址：福岡縣太宰府市宰府4丁目7番1號
- 交通方式：
西鐵太宰府站徒步5分鐘
伊勢神宮
暱稱「お伊勢さん（oisesan）」正式名稱係伊勢神宮，作為日本神社之首，亦都係神道嘅信仰中心，日本全國最為崇敬嘅神社。擁有幾千年嘅古老神社，充滿遠古情懷，係日本極為珍貴嘅文化象徵。莊嚴嘅神社腹地幅員遼闊，到處飄盪神聖氣息，以「日本人心之故鄉」而聞名。當參拜完神社之後，可以行吓御祓町以及御蔭橫丁小巷。生氣勃勃嘅街道，林立各種販賣紀念品嘅店鋪同餐廳。嚟到呢度記得品嘗伊勢名產紅豆糕點「赤福（Akafuku）」
2020-2021新年開放參拜時間：
- 2020年12月31日 05:00～2021年1月4日 全日開放
1月5日 00:00～20:00
1月6日 05:00～20:00
1月7日以後 05:00～18:00 - 地址：
內宮（皇大神宮） 三重縣伊勢市宇治館町1
外宮（豐受大神宮） 三重縣伊勢市豐川町279 - 交通方式：
內宮：從近鐵宇治山田站搭乘搭巴士大約15分鐘
外宮：JR、近鐵伊勢市站徒步大約5分鐘
出雲大社
每到農曆十月，日本各地眾神就會聚集喺出雲大社召開會議，古老且深受崇敬嘅神社。主要供奉結緣之神大黑天（大黒様），日本全國各地有唔少人為咗祈求良緣而專程前嚟參拜。出雲大社有好多值得欣賞嘅景點，例如指定為日本國寶嘅正殿同日本最大嘅巨大草結繩「注連繩」。另外，提到出雲，就會諗到出雲蕎麥麵。喺創業超過200年嘅蕎麥麵老字號，配搭神酒一齊享用，更加係另有一番風味。
2020-2021新年開放參拜時間：
- 12月31日 06:30～1月1日 20:00
1月2〜5日 06:00～20:00
1月6日以後 06:30～20:00 - 地址：島根縣出雲市大社町杵築東195
- 交通方式：
JR出雲市站乘搭一畑巴士（往出雲大社・日御碕・宇龍方向）約25分鐘
※本篇文章刊登於2017年12月
※最後更新於2020年11月20日※
Comments