【5分鐘日語】日本新年寺院神社參拜「初詣」簡介

您知道嗎？喺日本嘅新年，會有超過1,000萬人前往寺院或神社參拜，祈求新一年順利平安。呢個新年參拜稱為「初詣」，就等我哋一齊嚟睇吓「初詣」係乜嘢嚟啦！

「初詣」日文發音係 「Ha・tsu・mo・de」

「Hatsumode」漢字寫法係「初詣」，如果分開逐個字嚟睇，「初（はつ）」意思係「初始」，「詣（もうで）」係指「到寺廟參拜」，所以「Hatsumode」就有日本新一年第一次去寺廟或神社參拜嘅意思。

應該去神道教神社，定係佛教寺廟？

對日本人嚟講，比起宗教信仰，「初詣」更接近喺一個形式上嘅「活動」。大家會由除夕就開始排長龍，希望可以新年有機會敲鐘，係自古以來一項為新一年帶來幸運嘅祈福方式。甚至有唔少人都願意喺深夜寒冷天氣下，排隊排上幾個鐘、甚至排通宵呢！順帶一提，習慣上，日本人一般會喺1月7日前嘅「松之內」期間，去神社或寺廟進行新年參拜。