倒後泊車呢個動作看似簡單，其實意外地相當有難度，而當中最令人覺得困難嘅應該就係泊車時嘅視線。平時坐喺駕駛座上雖然可以清楚望到前方情況，但係當您望向後方時，就基本上全部都係死角。即使係揸車老手，只要一個唔小心，都有可能會撞到被死角擋到嘅障礙物。為此，近年日本人就為咗泊車時減少視線死角，就喺車上安裝「泊車鏡頭」以輔助，而安裝嘅比例亦越嚟越高，而且而家泊車鏡頭嘅技術亦越嚟越發達，甚至仲有會令人感到不可思議並且懷疑「到底係從邊到拍嘅呢？」嘅發達技術𠻹！
幫你睇勻所有死角，所以更安全、更方便！
泊車鏡頭通常都係安裝於後車廂尾門上，拍攝得來嘅畫面會傳到車內導航系統螢幕上。如此一來，就可以直接喺駕駛座上睇到被死角擋住嘅小朋友或障礙物，大幅降低意外發生機率。而最近嘅泊車鏡頭除咗避免意外發生之外，亦導入令泊車技術更簡單化嘅科技－於螢幕上顯示泊車時車嘅後退方向。由於呢個功能同時亦對唔太習慣於停車場泊車入位嘅駕駛人士有非常大幫助，因此受到廣大用家歡迎。
360度攝影機數量亦正增加中！
唔止於車後方安裝攝影機，最新科技甚至已進步到由車身正上方往下拍、從而拍攝車體周遭所有情況！「環繞鏡頭」技術即喺車身前後以及後照鏡等地方安裝鏡頭，然後將所有鏡頭拍攝到嘅影像合併。就似名稱中「環繞」二字意思般，車主可以於螢幕上確認到周圍360度嘅情況。相比起單純只拍攝後方情況嘅泊車鏡頭，呢種拍攝方法可謂更安全亦更方便。雖然技術以前只針對高級車款裝備，但Suzuki最近已經針對輕型車及一般車款進行全面安裝，向全面普及嘅局面跨出一大步。話不定之後全亞洲都會全面安裝𠻹！
Comments