講起寺廟、和尚、住持、打坐呢啲你會聯想到啲咩呢？好嚴肅？好安靜？神聖不可侵犯嘅地方？講到襌坐，會唔會覺得一定要坐好幾個鍾先算係打坐呢？呢次我哋特別到咗位於東京嘅陽岳寺去揭開日本坐禪嘅神秘文化。今次嘅體驗可以講話係畢生難忘耶！
右二係藤井師傅、右一係向井副住持
等緊我哋嘅唔係年近古稀嘅面容，而係有著一休和尚般笑容嘅副住持
被佛教文化影響深遠嘅日本，全國大大小小嘅寺院都好多，亦曾經有人講笑咁話：寺院多到好似便利店咁, 梗有一間喺左近耶！咁樣亦代表著日本人對於寺院嘅存在有著絕對嘅尊重。我第一次對日本嘅寺院和尚們改觀係由山下智久跟石原里美主演嘅日本電視劇「朝五晚九」開始。原來日本明治政府喺1872年時公布咗政府令：僧侶可以食肉、娶妻、蓄髮，仲有法事以外可以著便服等。所以，同香港嘅僧侶們相比，多咗幾分親民感呢！就好似圖中所見，迎接我哋嘅係有親切笑容嘅向井副住持同藤井師傅。
原來日式坐禪入門課程無想像中嘅艱深
平時嘅坐禪流程係集合→報到→說明→坐禪→茶點→解散。而呢日因為我哋採訪，而特別咁改咗少少流程，先體驗坐禪後，再做說明同分享。
首先先由向井副持同藤井師傅頌經，之後引領我哋起身向坐禪時用嘅坐墊同蒲團行禮一鞠躬，表達感謝我哋喺坐禪嘅過程中可以舒適一點。
跟住就同對面嘅學徒們都行禮表示尊重。
藤井師傅同我哋解釋坐禪嘅姿勢，最正確嘅係雙腿盤坐，但係咁樣對好多人嚟講都唔容易㗎，我就係其中一個喇，所以單腳盤坐其實都得嘅。坐姿嘅重點在於兩腳嘅膝蓋要同臀部呈三角形，咁樣嘅坐法會比較穏固，唔容易搖嚟搖去。
坐好之後，雙手朝上放喺膝蓋上，閉上眼睛後身體放鬆如鐘擺咁左右搖擺，慢慢咁將擺動嘅幅度由大變小然後自然咁停住。
左手在下，右手在上，雙手嘅手指公互碰呈現一個橢圓形，注意手指公唔好用力往上翹。坐禪時雙眼唔閉上，往45度下方望，但係如果張開眼睛會令你分心嘅話, 咁都可以完全閉上雙眼嘅。初次體驗者一開始可以先從5分鐘開始就得喇，然後先慢慢拉長坐禪嘅時間，一般僧侶哋修行係用一注香約40鐘嚟進行。藤井師傅帶我哋坐禪坐咗二十分鐘，就完成咗今次嘅坐禪體驗。
但令我意外嘅係，呢個過程中都唔覺得係過咗20分鐘咁耐呢！
令人意外嘅坐禪修行
忙碌嘅一日中，透過坐禪俾自己從內到外都清爽起嚟！師傅話當個腦有好多雜念時，可以試吓將專注力放喺用鼻深呼吸、深吐氣，而吐氣嘅長度要比吸氣長，然後去感受身體有無邊度比較酸痛? 將你嘅專注力帶到酸痛嘅地方，再用耳仔聽吓周遭有咩聲音？係咪聽到你平時唔會留意到嘅部分？呢次嘅專訪發現到幾個意外嘅事實：
- 坐禪唔侷限一定要喺寺院度進行，喺自己覺得舒適嘅地方就得㗎喇。
- 坐禪嘅時間都無限制，可依照自己嘅狀況同需求嚟決定，一天3分鐘、5分鐘或者係1個鍾都得。
- 坐禪修行嘅人，男性比女性更加多。（陽岳寺嘅統計而言）
- 坐禪嘅優點有好多，比如說長期修行會改善專注力、待人處事上都會比較和藹、人際關係亦可以提昇，主要原因係因為會領悟到尊重萬物嘅態度。
令我一生難忘嘅「警策」（Kyousaku）體驗
相中就係所謂嘅「警策」（Kyousaku），佢嘅作用係當你感覺到自己專注唔到時，可以將放喺腹部嘅雙手轉為放喺胸前然後合十，僧侶們見到咁樣的話就會將放喺枱前嘅警策拎落嚟，向供奉嘅神明一拜後，向你身上打。有長短之分係根據坐禪教派唔同所用嘅長短唔同。短啲嘅嗰枝係由僧侶企喺你後面向你右肩打一下；而較長嗰枝就係僧侶企喺你面前，你向前彎腰之後，僧侶向你左右腰部各打兩下。
結束之後，雙手合十向僧侶行禮，警策主要嘅意思並唔係處罰你唔專心，而係因為自己無法專心，進而透過呢個方式向神明借力，向井副住持都提到，而家唔會主動向學員執行警策之鞭喇，除非學員自行要求。而令我畢生難忘嘅係，就喺藤井師傅向我嘅右肩打下去之後，我好唔爭氣咁標咗眼淚, 確實嚇咗大家一跳，藤井師傅都話無試過打到學員喊，我都唔知點解自己會落淚。比想像中痛？因為喺耳邊所以聲音好大？定抑或係呢一下將我嘅壓力情緒等負面能量都發洩唒出嚟？
令人難忘嘅日式坐禪體驗，或者大家下次嚟日本觀光旅行時都可以納入行程喔！嚟日本旅遊帶到返去嘅唔只係手信嘅，仲可以帶個療癒自己嘅方法返去呢！
【坐禪體驗資訊】
寺院名稱：陽岳寺
- 地址：135-0033 東京都江東区深川2-16-27
- 電話：03-3641-1580
英語坐禪體驗預約
Zafu Project（負責人：藤井隆英）
- 網站：http://bosan32000.wixsite.com/sinsindo
- 電話：日本 090-8199-1476
- 電子信箱：[email protected]
交通方式：
- 地下鐵都營大江戶線：門前仲町站
- 門前仲町十字路口方面…東西線3・5號出口 徒步5分（茅場町站側嘅出口）
- 赤札堂…大江戶線6號出口 徒步3分（只有一個出口）
- 從以上出口，朝著首都高速公路走，走過高速公路下，位於最先遇到的大十字路口的轉角。
- （JR京葉線 越中島站、半藏門線 清澄白河站…徒步約15分鐘）
Comments