徇眾要求，FUN！JAPAN團隊再次為大家介紹幾款好評GU穿搭法。「到底鍾意褲裝嘅女生們，要點樣先可以著出時尚女人味呢？」呢個問題就交畀時尚雜誌讀者模特兒Alice嚟同大家介紹啦！今次要推薦嘅，就係1490yen嘅墨綠色束口褲！
時尚雜誌讀者模特兒Alice小姐表示，「只需要適當運用耳環、頸鍊、胸前裝飾品等，就可以打造臉部周圍美感、令妳更有女人味。」原來係咁！事不宜遲，即刻話畀大家知GU嘅穿搭方法啦！
除咗長褲以外嘅配搭都要偏淑女風
由於今次嘅主角係1490yen墨綠色束口褲，如果係襯T恤、或者係有領嘅襯衫的話，打扮就會變得好男性化。如果想將呢條褲著得更女性化，就建議配搭GU 1490yen嘅黑色U領露肩上衫。其實呢種同時兼備U領同露肩兩種穿法嘅單品，都係非常值得大家收藏㗎！
然後再著上香檳色厚底涼鞋，整體感即時就變得時尚華麗！
短版設計可以顯得腳長
要令雙腳顯得更修長、或著讓整體造型更好嘅方法有幾種，上身著短版上衫就係其中一種方式。例如呢款2WAY嘅短版U領上衫就可以令雙腳顯得更修長，您都不妨照住上圖咁一樣著住去旅行啦～
順帶一提，束口褲含有伸縮彈性同腰部調緊鬆緊設計，所以著起嚟會係非常舒服適嘅呢！
而且仲用上防皺物料，去旅行都可以方便攜帶。
要約會的話，可以選配迷你裙同小手袋
另一2WAY U領露肩式襯法，就係配搭柔灰色短裙，效果非常適合約會場合。再配搭暖色系有踭鞋同斜揹小手袋，超完美嘅女人味穿搭就馬上完成！而今年流行嘅長夾款單膊斜揹手袋體積則勝在又細又薄，絕對可以話係每個女性嘅必須品！
當然唔少得華麗配飾！
珍珠長頸鍊係今次棉製衣服穿搭嘅絕妙組合，仲有如上圖嘅閃耀頸鍊嘅效果都會唔錯。想要比普通配搭更高檔嘅組合的話，就記得要用上呢兩款頸鍊喇！
睇完呢篇介紹後，您覺得如何呢？令人驚喜嘅係，今次都係全身配搭只需5000yen以下嘅平價穿搭，而且仲可以令妳打扮出有別平常嘅感覺，係唔係嚇一跳呢？如果您有任何想法同意見，我哋都歡迎您留言討論，Alice小姐將會好樂意向妳推薦最時尚嘅襯衫方法㗎！
Comments