想喺屋企整自家製拉麵？今次我地就分享令拉麵更好食嘅秘訣同食大家。分別會介紹適合同拉麵一起食嘅配料，同埋創意到平時大家唔會諗到嘅配料，以湯底種類嚟分。最後仲會送上簡單創意食譜，一定要試吓啊！
基本日式醬油拉麵
一般嚟講配料會用叉燒肉、筍乾、紫菜、波菜、鳴門卷魚板等，喺麵上放上炒蔬菜嘅話，仲會搖身一變成為神奈川縣當地美食嘅「生碼麵」。小朋友仲可以食到好多蔬菜，營養均衡。生碼麵嘅做法如下。
材料（1人份）
- 醬油口味拉麵 1包
- 自己鍾意嘅肉（建議使用豬肉>雞肉>牛肉）50g
- 洋蔥、紅蘿波、青椒、芽菜等自己喜歡嘅蔬菜集合 100g
- 味醂2小匙
- 太白粉水 2小匙
做法
- 根拉麵嘅包裝袋上寫嘅水量，放入煮中煮滾後，先加上切過嘅肉同菜，然後放入麵煮熟後閂火。
- 將麵嘅湯包調味料倒入煲入面，均勻攪拌後，再將麵同配料先上碟（碗）。
- 而剩喺煲入面嘅湯汁開火加熱，煮沸後再轉小火，加入太白粉水。
- 勾芡後倒到啱啱裝咗麵同配料嘅碗入面就完成。
味噌拉麵加花生醬？
味噌拉麵嘅基本配料係粟米粒同奶油。一般家庭煮味噌拉麵時，如果無奶油嘅話，會用花生醬代替都可以。加入1至2大匙嘅花生醬，味道會變得濃厚而且溫和。
雞蛋嘅話，要用 蛋黃濃稠嘅半熟糖心蛋先係王道搭配。無論直接食一啖糖心蛋，定係將濃稠蛋黃融入湯入面食都好好味！加埋芽菜同碎肉都好夾。鍾意食辣嘅人亦可以加少少辣油，風味會仲正。下面就有加咗芽菜同碎肉嘅辣味噌拉麵食譜。
材料（1人份）
- 味噌拉麵 1包
- 免治肉 50g
- 鹽・胡椒 少許
- 蠔油 1小匙
- 芽菜 適量
- 食用辣油或普通辣油 適量
- 芝麻油 1大匙
做法
- 煮拉麵嘅同時，用芝麻油將平底鑊加熱後放入免治肉，再加上鹽、胡椒、蠔油炒均。
- 平底鍋內加埋芽菜後快炒。
- 拉麵裝到碗裝後加入煮好嘅芽菜同碎肉，最後再淋埋辣油就完成。
百搭嘅鹽味拉麵
適合鹽味拉麵嘅基本配料係切成薄片嘅叉燒肉。叉燒肉切成薄片後，湯底會好容易滲入叉燒肉片入面，變得更加好食。想要簡單得做啲變化，可以加入奶油同粟米，呢個基本上係日本人嘅常識。鹽味拉麵同海鮮都好夾，特別係加蛤蜊等貝殼類入湯底嘅話，會有精華融入湯底，變得更加美味。鹽味花蛤拉麵嘅食譜如下。
材料（1人份）
- 鹽味拉麵 1包
- 花蛤 100～150g
- 奶油 1大匙
- 酒 1大匙
- 蔥 適量
做法
- 平底鍋放入奶油加熱，再放入蛤蜊同蔥。煮到蛤蜊殼口打開，再加入酒，冚蓋。
- 蛤蜊殼口完全打開後，就打開蓋再煮一陣。（呢個步驟係為咗令精華美味更加濃縮）煮湯低嘅同時，另外用煲煮拉麵。
- 煮好拉麵後，加埋蛤蜊同埋湯嘅濃縮精華就完成。
講到日式拉麵，點可以唔提「豚骨湯底」！
豚骨湯底拉麵嘅基本配料有芝麻粒、紅薑、木耳、烚蛋、叉燒肉（切薄片會比切厚片好），同埋磨成蒜頭泥或者係微焦嘅蒜頭。好多日本人會喺豬骨湯底拉麵上加上微辣，呢種叫「雪裡紅嘅」食法，好受歡迎。如果加埋芝士嘅話，湯底仲會變得更加濃郁香醇。今次我地就介紹呢個特別嘅豚骨芝士拉麵食譜啦。
材料（1人份）
- 豚骨拉麵 1包
- 高麗菜 1片
- 芝士粉1〜2大匙
- 芝麻粒 1小匙
- 鹽 少許
做法
- 跟包裝袋上寫嘅水量加入煲中，煮滾後先加切好嘅高麗菜。
- 再將麵放入煲入面，煮滾後，加入麵嘅湯包同埋芝士粉，就可以上碟（碗）食得。
以上嘅介紹你覺得正唔正呢？日本嘅袋裝拉面，或者杯麵，除咗直接食之後，加少少野就可以更有創意更好食！歡迎大家將你獨家嘅創意食法分享畀我地啊～
Comments