日本人從小就幾乎餐餐離唔開「拌飯素」，深受日本人喜愛。將拌飯素灑喺熱騰騰嘅白飯上時，散發出嘅香氣令人胃口大開忍唔住流唒口水呀！只要灑上拌飯素, 扒幾碗飯都唔成問題！
從基本口味「梅子口味」、「柴魚口味」、到「咖哩口味」、「納豆口味」，最近嘅口味變得非常多樣豐富。除咗直接撒喺米飯上以外，仲可以同米飯撈埋一齊,做成飯糰，輕鬆簡單咁就可以做出色彩豐富嘅午餐便當啦！
拌飯素到底係乜東東？
拌飯素主要係灑喺米飯為口味加分嘅調味料。佢唔係用嚟為料理調味，而係做為家庭常備菜嚟販賣，市面賣嘅成品種類非常豐富。起源喺大約五十年前，一位藥劑師擔心日本人嘅鈣質攝取得太少，將小魚曬乾後磨成粉, 拌飯素就係咁樣誕生咗喇。小魚乾粉再加上調味料、烤過嘅芝麻、海苔等，去除魚腥味，就變成拌飯素喇。
市面上有多種口味嘅拌飯素
拌飯素主要有三種包裝類型。袋裝類型經濟又實惠係吸引人買嘅主要原因。但係袋裝包裝直接拆開嚟用時經常會痴住喺封口嘅地方唔易倒出，所以都有好多人買嚟裝入拌飯素專用嘅樽先用。原本拌飯素就係裝入樽入面用嘅，係隨手可得嘅家庭餐桌上必備品。亦因應日本自備午餐便當嘅文化，都有方便攜帶嘅迷你包裝類型。一個大包裝入面有唔同口味，就算每日帶都依然可以食到唔同口味無咁易食到厭，好適合便當用。最近都出現咗筆管型狀嘅拌飯素，隨意插喺口袋，想食嘅時候就可以隨時食得到，實在太方便啦！
作為旅行嘅手信，意外地可行!?
拌飯素係日本嘅傳統食物之一。喺超市或便利店都可輕易買到。又平又輕, 又唔使特別擔心保存期限問題。另外都有地區限定商品同埋具有高級感嘅包裝、或者有包裝設計較特別嘅產品，口味都好豐富, 作為手信就最適合不過喇。收到嘅親朋好友一定會好開心喇。
下次會介紹個使用拌飯素嚟做料理嘅簡單食譜俾大家，敬請期待唷！
Comments