平價服飾品牌GU穿搭法～1490yen深藍色無袖連身裙篇～

[KAWAII小資女穿搭術 with GU]

大受好評嘅GU穿搭系列今次要介紹嘅係1490yen嘅深藍色無袖連身裙，呢個款式亦係時尚雜誌讀者模特兒ALICE嘅心水款式嚟㗎！想令整體望上去更端莊有質感的話，就揀深藍色系啦！而接落嚟，就等我哋嚟詳細介紹一下靚靚穿搭法啦！

就如您喺圖中所睇到，前面裙襬較後面裙擺較短，長短層次感啱啱好就可以帶出露出膝頭嘅可愛感，同時仲有修飾腰身嘅作用，令您雙腳望上去更修長𠻹！

裙擺部分添加咗少少波浪型加工，仲可以令您顯得更自然、更有女人味！

揀一件看似高貴但價錢又唔貴嘅氣質深藍款、再配配披肩同棉質珍珠項鍊，就即刻可以變身成外出用嘅連身裙穿搭。

因為款式用上唔容易起皺嘅質料，所以亦非常適合外出旅遊時著㗎！

其實呢款連身裙仲有另一推薦休閒穿搭法，只需要配搭一件牛仔外套就OK。

如果想帶出休閒好動嘅感覺的話，就可以配搭如圖中墨綠色嘅配件帽子；如果想要更有朝氣嘅感覺，則可以配一對雙銀白色布鞋，增添清新脫俗感覺。

順帶一提，圖中仲有一款墨綠色嘅背囊都係喺GU買嘅，售價為1990日圓。由於採用尼龍質料，因此非常輕巧，可做為平時出門嘅愛用款。

睇完成篇文章後您又覺得如何呢？今次嘅全身穿搭只係需要5000yen，就可以幫您打造超時尚造型，係唔係嚇一跳呢！

大家有咩意見感想的話都可以喺右邊意見欄內留言㗎！