講起三重縣著名嘅神社，大家就會諗起伊勢神宮。但係除咗伊勢神宮以外，其實三重縣仲有好多大嘅神社，其中一個就係多度大社。佢因為「馬匹祭神儀式（上げ馬神事）」呢個活動而全國有名，馬匹祭神儀式（上げ馬神事）係指用攀登爬坡嘅馬匹數量，嚟占卜預測吉凶嘅活動。今次我地要介紹嘅係，位於多度大社旁邊嘅饅魚專門店—「不倒翁鰻魚（だるまうなぎ）」喔！
講起名古屋鰻魚，就會諗到鰻魚三食
多度大社所在地嘅三重縣桑名市，由名古屋開車去只需要大概30分鐘。所以有好多間可以食到名古屋特產嘅餐廳。今次要介紹嘅「不倒翁鰻魚（だるまうなぎ）」就係一間可以食到名古屋出名嘅「鰻魚三食」嘅名店。
餐廳門口就係咁樣。
門口非常有氣派。喺東京等都市，好少見到啲咁有氣氛派店舖，所以如果有去到郊區嘅話，非常推薦去一吓咁樣類型嘅舖頭，體驗吓呢種氣派。
餐廳入面好寬敞，有一般嘅桌子位置區，亦有榻榻米嘅包間，位置非常多。但因為係名店，所以除咗當地居民之外，亦有好多遊客到訪。一到中午食飯時間，就會爆滿哂，需要耐心排隊等候。但係今次FUN!JAPAN團隊下午兩點鐘左右到達，就唔使排隊，可以直接入去。
店舖嘅代表象徵不倒翁？
入到舖頭入面，即刻可以見到一座肚上面寫住「多度」嘅不倒翁喺度歡迎客人。
不倒翁係模擬佛教達摩嘅坐禪姿態，有住無論跌倒幾多次都依然再次企起嚟嘅「百折不撓」精神，以及係遇到乜嘢困難都唔會氣餒嘅「不屈不撓」象徵。選擇咁樣嘅不倒翁嚟做餐廳嘅吉祥物，係因為想將呢個正能量傳遞畀嚟餐廳嘅所有人。
鰻魚三食係乜嘢？一定要食吓呢到嘅招牌菜！
店裡無特別另外製作午餐專用餐牌，所以無論日頭夜晚都會提供一樣嘅菜式。今次我地就叫咗個小碗鰻魚飯（2,030円）同埋一個增量半條鰻魚嘅鰻魚三食（2,650円）。 照片裡嘅係鰻魚三食。
鰻魚三食係名古屋嘅特產，顧名思義係有三種食法。第一種係將鰻魚切碎後伴飯一齊食。再嚟就係加啲蔥、芥辢同海苔等調味品後撈埋一齊食。最後係用嚟整茶泡飯。一道料理可以有三種煮法，係鰻魚三食嘅特別之處。
不倒翁鰻魚嘅鰻魚三食，有名古屋特有嘅濃厚味道，最後做成茶泡飯時，真係完美配搭，非常美味。鰻魚雖然比較細，但點鰻魚增量半條嘅話，就可以食得非常滿足。想要大快朵頤嘅人，就可以點鰻魚增量一整條嘅鰻魚三食（2,960円）。若只係想試試嘅人，亦有鰻魚半條嘅鰻魚三食（2,240円）可以選擇，隨自己想食幾多就點幾多！
不倒翁鰻魚嘅鰻魚三食您覺得點呢？睇完會唔會好想去試吓？！三重縣仲有大型遊樂園同游泳池嘅「長島溫泉公園」，亦有大型商場「MITSUI OUTLET PARK 爵士之夢長島」等非常多地方都適合去旅遊，去名古屋旅遊時，可以順到遊埋呢度，唔好錯過呢啲好地方喔！
Comments