近年嚟日本嘅家電市場最受矚目嘅，就係無線直立式吸塵機喇。以前呢種機型由於吸力弱、電池續航時間短等因素，好難成為打掃嘅主力吸塵機。但最近吸力強嘅機型增加，將佢當成主力吸塵機嚟用嘅人數都上升咗。Panasonic嘅「IT」系列亦係無線直式吸塵機之一。機體非常細係佢嘅特徵，佢嘅魅力在於想用嘅時候能夠即刻攞嚟用。除咗好受歡迎嘅氣旋式機型之外，仲有喺日本市場好有歷史嘅集塵袋式吸塵機。
可將吸頭立直為I字型嚟清掃縫隙
講到「IT」 系列最大嘅特徵，就係可變形嘅吸頭喇。雖然佢同一般嘅吸塵機同樣採用T字型吸頭，但將吸塵機本體轉半圈後，吸頭即可轉直為I字型。呢個狀態下嘅吸頭只有5cm寬，可輕易掃除家具之間嘅空隙。從此以後就唔使咁麻煩去換吸頭先清掃到狹窄嘅間隙啦。
房間角落堆積嘅灰塵都可以簡單吸到
而且「IT」系列嘅吸頭仲有另一個功能。就係吸頭喺靠近牆壁時，吸頭前方會打開「牆緣自動潔淨構造」，咁樣就能夠確實吸除牆角嘅灰塵。另外，吸頭底下裝有為咗喺吸頭打開時能夠橫向移動嘅輪子，所以可以直接咁樣左右移動打掃牆角。
睇唔到嘅灰塵都唔放過嘅微塵感知裝置
喺平日打掃時「IT」系列有個好方便嘅機能，就係手把上嘅微塵感應指示燈。只要有佢，就唔使再擔心掃完之後仲有眼睛睇唔到嘅微細灰塵。望到指示燈從紅轉綠，就表示呢個地方已經吸得乾乾淨淨喇。
無論係屋企定辦公室，隨手一擺都唔會滑落地
喺大掃除時，成日會邢要暫停吸塵機去移動大型垃圾或家具。直立式吸塵機喺方便打掃呢點上非常有魅力，例如呢個時候要頻繁地將吸塵機放喺地上或者搵地方靠著，係非常麻煩。但「IT」系列喺手把下端裝有「貼牆橡皮」。靠著呢塊小小嘅橡皮，吸塵機就能夠安定咁靠喺任何地方。可以隨便將佢靠喺任何地方，做完其他事先再繼續打掃。打掃就係可以咁隨性!
【產品簡介】
- 產品名稱：IT MC-SBU510J
- 價格：依各銷售平台售價而定（參考：家電量販店約52,000日圓）
- 本體尺寸：W252×D153×H1160mm
- 重量：約1.6kg
- 電池：鋰電池
- 充電時間：約3小時
- 續航時間：自動模式約15～30分鐘、強力模式10分鐘
圖・文：Takahiro Koyama
Comments