如果您對居家環境清潔十分講究，咁您睇呢篇文章就啱喇，因為我哋將要為您介紹幾種日本廚房清潔用品！當您到日本家庭用品店購買清潔用品時，一定會對產品種類五花八門感到非常驚訝而令選擇困難症發作。有見及此，我哋喺下文就已經為您挑選咗幾樣嚴選推薦嘅廚房清潔用品喇！
99.99%除菌！廚房用酒精噴霧
確保廚房維持零細菌、零病毒污染非常必要，而使用添加酒精嘅產品就係除菌好方法之一。您可能會擔心誤食產品中其餘化學成分，不過呢到要介紹畀大家嘅廚房專用酒精噴劑就因內含100%純天然物質成分，所以佢甚至可以直接用喺於碗盤上㗎！佢更主打可達到99.99%除菌效果並且消除異味，令廚房呈現綠茶芳香𠻹！※售價398日圓（含稅）
100yen店 - 碗碟專用擦拭布
呢款擦拭布用途為擦乾啱啱洗好嘅碗碟。好多日本人都鍾意喺洗完碗碟後，直接用毛巾擦乾上面殘留嘅水滴，而唔係令佢自然風乾。呢項工序除咗能防止碗碟上產生水漬，而且抹完後就可以立即收入櫥櫃中、避免灰塵。當然，令您嘅碗碟更快乾就係最大好處啦！碗碟專用擦拭布使用微織物製成，可以立即吸收水分，幾乎喺任何地方都有售。我自己就通常喺100yen店購入。
100yen店 - 起泡海綿
呢塊特殊海綿可以好輕易咁就將清潔劑起出綿密泡泡，藉此令清洗碗碟嘅步驟變得更方便容易。就算只係用少少清潔劑，佢都可以幫您起出好多泡泡，對於唔太鍾意使用化學清潔劑嘅人士嚟講，呢款海綿就啱晒。您可以喺100yen店買得到佢㗎！
太驚人！100yen店納米海綿
只要有呢款納米海綿，您就可以喺唔靠任何清潔劑嘅情況下用佢嚟清洗水槽、水龍頭或者金屬湯羹、刀叉都可以令佢哋變得閃閃發光！殘留喺金屬上嘅水漬通常都叫人煩惱，而且又難以清潔，但有咗佢之後您就輕鬆地去除所有表面痕跡！另外，海綿亦有助刷洗長年殘留喺馬克杯上嘅茶漬或咖啡痕跡㗎！
100yen店 - 廚房專用除菌濕紙巾
充滿高濃度酒精液嘅濕紙巾－有咗佢，您就可以更輕鬆清潔廚房嘅油污！下廚後用呢張濕紙巾擦拭煤氣爐，您就可以輕鬆去除唔小心濺出嚟嘅油跡，可以話係您維持廚房整潔嘅最大關鍵！
雪櫃用活性碳除臭劑
雪櫃係最容易滋生異味嘅地方之一，因為內裡聚集咗所有從肉、魚甚至係蔬菜散發出嘅氣味，呢啲氣味甚至會喺您整理、清潔雪櫃後都仲頑強地殘留其中。而呢款活性碳除臭劑就可以幫您解決呢個困擾！只要將封口上方膠帶撕開並將佢放入雪櫃，佢就會將異味全部吸收。「炭」一字聽上去似乎會污染閣下雪櫃，但其實活性碳都已經被用作除臭劑好幾個世紀㗎喇！※售價216日圓（含稅）
您對以上我哋所介紹嘅商品有咩感想呢？唔好孤寒同我哋分享又或留言話我哋知您哋想睇咩產品介紹喎！
Comments