您係咪一位會喺旅途中尋找心宜烹飪用具嘅廚師呢？係的話咁您就嚟啱地方喇！我哋將會帶您認識喺日本可以買得到嘅人氣廚房用具，減輕您以後煮餸時唔少負擔同壓力！
矽膠刮刀
呢款矽膠刮刀產品喺2013年因刮刀三角形設計而獲得「優良設計獎」（Good Design Award），而呢組廚房用具嘅製造商"MARNA"則係由1872年經營迄今嘅老字號。
首先，窄版型設計嘅刮刀適用於多數碗盤及容器，再加上刮刀片夠闊，因此就方便用家於煮餸時撈起或翻轉食材，您亦可以用呢組矽膠刮刀嚟炒、燉、攪拌或盛盤，其三角形握把提供穩定且舒適嘅手感，而矽膠嘅彈性亦可以令您可以方便清空煲內所有醬汁㗎！（售價1,080日圓，已含稅）
矽膠調理餐具組〈長筷與湯匙、叉〉
相信您平時煮餸嘅時候，都會不時輪流用上湯匙、叉以及筷子，而呢組矽膠筷子就附有一組迷你湯匙同叉，淨係用佢就可以完美地打點一切！只要有呢組調理餐具組，您就可以用佢一次過搞掂加糖、加鹽或醬汁以及配料等所有工序，最正當然就係可以洗少幾次餐具啦！
筷子尾端由矽膠製成，可以防止食物滑落之餘，甚至仲可以用嚟夾水煮蛋呢！（售價540日圓，已含稅）
椰菜刨絲器
如果您極愛食沙律，咁呢款工具就會係您嘅好選擇！
呢種手持式椰菜刨絲器，比市售切片刨刀或切片刀更加小巧。與傳統椰絲刨刀相比，呢款手持式刨絲器可以避免當椰菜葉越嚟越細時將手指切傷或劃傷等常見情況。此外，刨絲器中間仲有一個細圓孔，可以套住手指增加握感。（售價972日圓，已含稅）
雞蛋攪拌器
當提起雞蛋攪拌器，您可能會馬上諗到常用嘅銀製打蛋器。但係當您見識到呢款攪拌器之後，您就唔會想再用舊款打蛋器！呢款攪拌器有著相當簡單嘅設計，可適用於各種尺寸嘅容器，方便您唔需要用大容器盛裝雞蛋。而攪拌器兩端則各有使用方法－尖端上特殊嘅橢圓設計可以幫您迅速攪拌雞蛋；而小型鏟子一端則係用嚟敲開蛋殼或刮取碗裡所剩蛋液。與舊款打蛋器相比，呢款攪拌器絕對可以節省您更多精力同時間！本產品於東急HANDS有售。（售價388日圓，已含稅）
睇完以上嘅介紹，您覺得如何呢？歡迎您隨時留言畀我們，話我哋知任何關於廚房小用具嘅建議呀！
Comments