以屋台（街邊檔）聞名嘅福岡，有大家鍾意食嘅博多拉麵、內臟火鍋同埋明太子等，當然福岡唔止有美食，仲有神社等其他觀光景，當然購物商場都係瘋狂購物嘅好去處，好多值得去嘅地方！但係，如果專登由外國遠道而嚟，只留喺福岡觀光好似太可惜，除咗福岡之外，其實可以即日來回遊覽日本九州其他地方！FUN!JAPAN今次就揀咗5個可以由福岡即日來回嘅地方介紹畀大家，如果大家有興趣想了解更多，可以按圖片入去睇地方嘅詳細介紹。當然就算唔係即日來回，留多一兩日玩都可以架～！
融合異國文化色彩，充滿想像空間：長崎！
繁榮嘅長崎，由好耐以前開始就喺貿易來往嘅港口，仲有被列入世界遺產嘅「哥拉巴園」，燈籠節時嘅照片亦經常會喺網上媒體見到，長崎真係好有魅力。仲有和平記念公園，同埋軍艦島都係主要嘅觀光景點。而買手信就有好好食嘅長崎蜂蜜蛋糕，由福岡搭電車2個半小時就可以抵達。
日本第一嘅「溫泉縣」，嚟挑戰大分溫泉吧！
大分縣嘅溫泉湧出量係日本第一，有好多出名嘅溫泉地，例如湯布院溫泉、別府溫泉等，可以試吓用「溫泉巡遊」嘅方式去遊覽溫泉地！真係日本先可以咁樣做！就算係即日來回嘅溫泉，甚至只係泡足浴都可以好開心！由福岡搭電車同高速巴士，大概2個半小時可以抵達！
有可愛嘅吉祥物・熊本熊 沐浴喺大自然懷抱中嘅熊本！
熊本嘅話，除咗阿蘇山之外，仲有好多令人感歎嘅自然景觀，而日本三大名城之一嘅熊本城亦係唔可以錯過（就算正在重建中都好宏偉），當地仲有生馬肉片食，由福岡搭電車去熊本大約2個鐘，搭新幹線嘅話30分鐘可以到了喔！
網上熱話中嘅宮崎絕景：高千穗峽
宮崎有好多好好嘅景點，比如高千穗神社、真名井瀑布之類嘅神秘絕美景色，仲有青島沙灘渡假村，都被視為新婚蜜月旅行嘅聖地，情侶、朋友們或是家族旅行都好適合。由福岡搭電車大概3個鐘就到。
由知名景點到世界遺產嘅自然景觀：鹿兒島
講到鹿兒島就唔可以唔題出名嘅櫻島，可以由鹿兒島搭渡輪去，只需要約15分鐘。呢度嘅火山係持續噴發嘅活火山，亦因為咁樣先造成呢到咁靚咁特別嘅景觀。當地美食有黑牛、黑豬、鰻魚、柴魚等，從福岡搭新幹線嘅話，約80分鐘可以抵達，所以亦可以即日來回喔。
Comments