只要將食材放好、然後就可以「放任唔理」－日本嘅煮食方法已經進化到呢個地步！
當製作需要長時間仔細熬煮嘅燉煮類料理時，即使想好好地將食材煮到入味，但生活繁忙嘅都市人總係抽唔出幾多時間。而家只要擁有附帶預約功能嘅家電就可以輕鬆解決喇！憑藉無人在家嘅時候都可以自動將料理煮到好食又入味嘅日本專研煮食家電－Sharp「HEALSIO HOTCOOK KN-HW24C」已經喺日本國內相當有名－早上先將家電設定好，然後當日晚餐時間就會幫你煮好餸菜。原理就係保溫時避開會損害食材嘅溫度帶，再按照預約時間準時完成料理。但其實佢嘅魅力仲不止限於此，我哋今次就會深入解說佢其他魅力！
輕鬆解決全世界共通嘅煮食煩惱！
喺煲內放入食材炒、煮、蒸等等嘅煮食方法係全世界共通，而Sharp全自動電煲「HEALSIO HOTCOOK」，就容許用家一按MENU即可以輕易自動做出各國各式料理。放入食材與調味料後再選擇MENU，佢就會幫您管理溫度、有需要時則翻攪煲內自動調控情況，就係咁簡單！煲身為容量達2.4L嘅大型煲，因此四五人家庭都使怕唔夠食，可以做出份量充足嘅料理。
裝置可更完美地攪拌食材
「HEALSIO HOTCOOK」獨有嘅機能之一，係裝喺內蓋上嘅攪拌裝置。例如做雜菜嘅時候，當用家放入食材與調味料之後加熱，佢就會將食材煮到變軟變熟為止。最後再以攪拌裝置將食材充分攪拌混合，即可做出全體味道均勻、受熱均勻嘅美味料理，即使腍身嘅蔬菜都唔會煮爛㗎！
無水調理有助充分發揮食材美味
「HEALSIO HOTCOOK」雖無壓力煲加壓機能，但就可以喺料理過程中緊閉鍋蓋、形成密閉狀態，因此能夠實現「無水調理」。例如只用白菜或洋蔥、蕃茄等蔬菜內含嘅水分，就足以進行煮食，鎖緊蔬菜內含嘅營養之餘亦可以使味道更鮮甜，而且做出來嘅料理亦唔會過濕，咁就可以更加享受到料理本身嘅鮮味啦！
功能輕鬆又有趣，連整意粉都可以全自動！
「HEALSIO HOTCOOK」仲有個有趣嘅MENU，就係可以幾乎全自動地煮出意大利粉。只要放入麵條、煮麵嘅水同調味用嘅蕃茄醬以及食材，就可以完成蕃茄意大利粉。煲身設計只需要用少量水就可以將麵煮好，因此既可以煮麵同時調味，以後再唔使守候喺煲前，都可以輕鬆享受到自家製意大利粉喇！
【產品簡介】![]()
![]()
- 品名：HEALSIO HOTCOOK KN-HW24C
- 價格：依各銷售平台售價而定（家電量販店售價約8萬日圓）
- 尺寸：W395×D305×H249mm
- 重量：約6.5kg
- 定額電壓：AC100V
- 定額消耗電功率：800W
- 容量：2.4L
- 最大預約設定時間：15小時
- 圖・文：Takahiro Koyama
Comments