東京共有超過16萬家餐廳，淨係想要食餐飯都經常會因為選擇太多而唔知應該從何下手。如果你都有呢個煩惱，不如就等我哋向您推薦東京5家米芝蓮星級餐廳，一齊嚟品嚐東京最好食嘅日本料理啦！
日本料理 晴山
想品嚐最道地日本料理的話，位處東京都港區三田嘅「日本料理晴山」可以話係您嘅最佳選擇。坐享米芝蓮二星評價嘅日本料理晴山分別於午餐及晚餐時段營業，向饕客提供好食至極嘅日本料理。餐廳提供2萬2,500日圓及3萬日圓嘅套餐以供選擇，兩個套餐皆包括主廚隨季節精選而成嘅10道料理。即使您已經食遍各種美食，保證東京頂級日式餐廳「日本料理晴山」依然會令您感到驚艷！
餐廳資訊：Japanese Cuisine Seizan (日本料理 晴山)
紀風：秀色可餐日式料理
米芝蓮星級餐廳「紀風」（Kifuu）離東京惠比壽站僅數分鐘步行距離。紀風分別於午餐及晚餐時段營業（禮拜二僅晚餐時段營業），提供3種由主廚精選而成嘅套餐。店內料理靈感取自於四季日式風情，餐廳素雅氛圍以及精心擺盤菜餚都突顯出典型日本料理之美。菜單會隨著季節更換，因此即使已經去過一次，都依然叫人會想一再encore！
餐廳資訊：Kifuu (紀風)
新宿割烹中嶋
位在東京熱鬧地段新宿嘅餐廳「新宿割烹 中嶋」將傳統與創新兩面結合、創造出獨一無二嘅日本料理。無論係午餐抑或晚餐時段，呢間米芝蓮餐廳都絕唔會令客人感到失望。雖然店內只提供一種套餐（共10道料理），但您一定會對各道佳餚中所使用嘅食材感到驚艷，尤其係主廚承襲日本料理大師手藝而製作出嘅優質料理就係最佳證明！
餐廳資訊：Shinjuku Kappo NAKAJIMA (新宿割烹 中嶋)
鰻魚專賣店：秋本
「うなぎ」（unagi）於日文中有鰻魚之意。傳說食鰻魚可以令人感到精力充沛，因此鰻魚通常都會讓人聯想起戶外活動繁多嘅夏季。うなぎ秋本位於東京皇居附近，店內共提供4種鰻魚料理套餐。今年夏天，您都不妨嚟到東京市中心嘅米芝蓮餐廳「うなぎ秋本」，由鰻魚挑動您嘅味蕾啦！
餐廳資訊：Unagi Akimoto (うなぎ秋本)
澀谷青山地區「南青山 ICHITA」
獲得米芝蓮一星殊榮嘅「いち太」座落於日本高級地區青山內。銘店僅於晚餐時段營業並提供3種套餐選擇，主廚不單會於料理上追求完美，亦會坦率地與常客傾計，令食客感受到無與倫比嘅親切待客之道。
餐廳資訊：Ichita (南青山 いち太)
Comments