日本聖誕節嘅氣氛，同您喺世界其他任何國家嘅體驗都會有所唔同。如果係歐洲或者美國，呢個節日係同家人一齊歡渡；相反，日本則係情侶喺美麗燈飾下渡過嘅浪漫節日。
日本四季分明、節日間更為明顯
萬聖節一結束，南瓜裝飾就會馬上被換成雪花、聖誕老人同聖誕樹，您或者都會驚訝日本市場竟然可以運作得如此迅速！踏入12月前後，街上每間舖頭都紛紛換上極具自我風格嘅冬裝，展現各家品牌冬天定調，當中最特別嘅當然係東京各處令人驚豔嘅聖誕燈飾！因此，編輯部將為大家介紹部分東京聖誕燈飾好去處，下次東京之旅絕對不能錯過。
新宿站南口平台廣場
第一個我哋要介紹嘅地點係東京市中心，靠近新宿站甲州街道出口。燈飾就位處新宿高島屋東急HANDS附近橋上，一直通到新宿車站，由聖誕燈飾點亮整條街道。同您愛人漫步於街上，肯定格外浪漫！每到呢個季節，連星巴克旁嘅樹木都會變得五顏六色，為寒冷冬天帶來點點溫暖。如果您想要喺市中心欣賞美麗燈飾，新宿南口到快接近代代木站之間嘅呢段長廊，會非常適合晚上漫步欣賞！
相關資訊
- 活動時間：2020年未舉辦
- 點燈時間：17:00～24:00（預計時間）（※12月從16:30～）
- 交通方式：新宿站南口
東京MIDTOWN日比谷
「日比谷魔幻時光聖誕燈飾（HIBIYA Magic Time Illumination）」於東京MIDTOWN日比谷、日比谷仲通、 日比谷Chanter、以及日比谷哥斯拉廣場隆重登場，點亮日比谷一帶寒冬夜空。日比谷階梯廣場上佇立著一株高約12米嘅聖誕樹「星光聖誕樹」，設計表現出宇宙星空空間感，配搭音樂與燈光上演一場華麗演出。每15分鐘更有魔幻時光特別演出，由耀眼燦爛的世界壟罩整個燈飾會場。
另外，圍繞著日比谷仲通周邊區域所掛上聖誕燈飾則劃分為4段期間，隨唔同時節上演各式顏色與燈光表演，讓日比谷浪漫動人燈飾點綴聖誕時分。
相關資訊
- 活動時間： 2020年11月17日（二）～2021年2月14日（日）
- 點燈時間：17:00～24:00
- 交通方式：地下鐵日比谷站（直通東京MIDTOWN日比谷）
汐留Carette購物商場
東京另一個睇燈飾好地方，就係汐留Carette購物商場。由250,000個燈泡所裝飾出來嘅景色，可以話係東京市區入面最靚！每日下午5點到11點，每隔20分鐘就會有如同音樂劇般嘅燈光匯演。當然，呢到亦非常適合您帶住約會對象一齊瘋狂打卡！
相關資訊：
- 活動時間：2020年未舉辦
- 點燈時間：從下午5點至晚上11點；2020年1月、2月 從下午6點開始點燈
- 交通方式：大江戶線汐留站
六本木燈飾
六本木欅坂街嘅聖誕燈飾亦係東京最受歡迎冬季燈飾景點之一。全長約400米嘅街道上掛滿120萬顆燈泡，為東京醉人夜晚點綴浪漫氛圍。遊客可以喺66廣場前欣賞到六本木Hills嘅巨型聖誕樹與MORI花園，而除咗欣賞夢幻燈飾以外，仲可以順便購物同「撐枱腳」用餐𠻹。
相關資訊：
- 活動時間：2020年11月13日(五)～12月25日（五）
- 點燈時間：從下午5點至晚上11點
- 交通方式：六本木站徒步約3分鐘
讀賣樂園 Yomiuri Land
讀賣樂園係一整年都會開放嘅遊樂園，但有好多人都會選擇喺冬天到訪。目的當然就係園區內嘅聖誕燈飾！即使樂園位置略為偏僻，離市區稍遠，但當見到用上4百萬顆燈泡裝飾而成嘅壯觀園區，可謂十分值回票價！從園區每棵樹木，到過山車都掛上美輪美奐燈飾。整座樂園好比一場盛大燈飾展覽，編輯部一眾小編真心強烈推薦！
相關資訊：
- 活動時間：2020年10月22日(四)～2021年4月日(日)
- 點燈時間：下午4點到晚間8點半
- 交通方式：小田急線到讀賣樂園前站，約25分鐘
東京晴空塔® （TOKYO SKYTREE® ）
最後又點少得東京最具標誌性嘅地標—東京晴空塔！講到聖誕節燈飾，就唔能夠唔提呢座建築物。從11月7日開始，東京晴空塔®點燈已換成香檳聖誕樹（綠色、黃色）名蠟燭聖誕樹（紅色、銀色）兩種樣式，呢座世界上最高嘅自立式電波塔將會照亮寒冷冬夜。另外，金屬高塔下方亦會舉辦聖誕市集呢。
晴空塔® 呢個市集活動係受到德國聖誕節著名嘅hütte市集（小屋子式店鋪）所啟發而生。市集現場亦提供食物，德國高檔愛爾啤酒、熱紅酒、甜點以及其他美食。伴隨住華麗溫暖人心嘅燈飾，呢這個市集絕對能令您喺日本旅行時感受到濃濃嘅聖地節氣氛。
相關資訊：
- 活動時間：2020年11月6日（五）至12月25日（五）
- 點燈時間：下午4點到晚上12點
- 交通方式：東武晴空塔線「東京晴空塔站」下車走路數分即可抵達/東武晴空塔線・京成押上線・都營淺草線・東京METRO半藏門線「押上（晴空塔前）站」下車走路數分即可抵達
燈飾係日本冬季同聖誕節一個好重要嘅部分，日本人更係同香港人一樣鍾意睇燈飾。或者係因為喺呢個寒冷季節入面，佢可以帶嚟不可言喻嘅溫暖神奇效果吧！
Comments