https://www.flickr.com/photos/dgmckelvey/4412918425
每年2月上旬於北海道札幌舉辦嘅札幌雪祭（Sapporo Snow Festival）係日本最知名嘅冬季祭典，如果有機會喺呢段期間拜訪日本，札幌雪祭絕對值得您一探究竟！尤其係如果您從未看過雪，會場內嘅雪雕絕對會美得令您嘆為觀止。雖然筆者我已經住喺北海道超過30年，但札幌雪祭依然係我絕對會推薦畀外國朋友嘅精彩活動嚟㗎！
札幌喺邊到？
喺我介紹雪祭之前，請等我先介紹一下札幌呢個地方。札幌係北海道第一大城市，人口將近200萬人，而北海道就位於日本北邊，地圖上睇起嚟雖然距離東京非常遠，但其實搭飛機不出兩小時即可輕易抵達。因此如果您有兩日空閒時間，就已經足夠由東京出發到札幌玩！
雪祭歷史
https://www.flickr.com/photos/ragez/4374959807
札幌雪祭從1950年開始舉辦，現時作為雪祭主要會場嘅大通公園當時為堆雪場。事源幾個當地中學生及高中生曾於公園內製作雪雕，自此學生們所製作嘅6座雪雕就成為札幌雪祭起端，且發展至今祭典規模一年比一年盛大，2016年札幌雪祭就總共吸引超過260萬人參加。
關於雪祭
https://www.flickr.com/photos/daita/12384644813
札幌雪祭通常會喺2月第2個禮拜揭幕，為期約一個星期，不過有個別會場會延後一個星期先閉幕。雪祭共有3個會場，包括大通公園會場、薄野會場及圓頂會場（つどーむ会場）。
大通公園會場（Odori Park Site）
大通公園會場位處札幌市中心，係雪祭嘅最主要會場。大通公園距離JR札幌車站約1公里，由JR站步行10分鐘即可輕鬆抵達。大通公園總長度約1.5公里，參加者喺公園內能沿路欣賞到各式各樣嘅雪雕。
展場中最大嘅雪雕闊約25米、高15米，另外同場更有數十座大型雪雕及冰雕。用雪堆成嘅舞台上會上演多個音樂或舞蹈表演，歡迎遊客樂在其中。此外，舞台上亦會有人錄製節目或作廣播。屆時現場會設置多間小食攤，供遊客一嚐北海道料理。大通公園雪雕會點亮至晚上10點為止。
想要將整個會場景色盡收眼底的話，札幌電視塔絕對係您最好選擇。札幌電視塔位於大通公園底端，於雪祭期間，電視塔展望台會從早上8點開放到晚上10點半。展望台大人票價為720日圓，付出1,100日圓的話則可以當天無限次進內賞景。
薄野會場（Susukino Site）
薄野會場位處北海道最大嘅娛樂區－薄野，遊客在此能欣賞到多個美麗冰雕。比起雪雕，冰雕工藝又更加精細，因此建議遊客喺欣賞完雪雕後再到此欣賞冰雕。冰雕點燈時間為至晚上11點，薄野會場距離大通公園僅500米，徒步穿梭兩會場之間都非常方便。
https://www.flickr.com/photos/lemezza/24501449789
圓頂會場（Tsu-Dorm Site）
從JR札幌車站搭地鐵約20分鐘，即可抵達圓頂會場。會場最近車站為東豐線榮町駅，此會場比較適合一家大細，因為現場設有多個有趣設施供小朋友玩樂，例如冰雪溜滑梯、雪上橡皮艇又或係雪上摩托車。雪祭期間，圓頂會場開放時間為每日早上9點至下午5點。
https://www.flickr.com/photos/ragez/4374954803
記住著多幾件衫呀！
2月係北海道最凍嘅月份，當地天氣經常會凍得叫人受唔住，甚至連長年居住於北海道嘅居民都會覺得非常寒冷，因此千祈唔好忘記要將自己「包到成隻糭咁」！尤其係要去圓頂會場的話，就更可能要身穿滑雪用衣物先足以禦寒。記住亦要帶上暖包取暖呀！
※本篇文章為刊登於2016年12月之版本※
Comments