如果想要一窺東京嘅秋天色彩，咁位於東京都內青山嘅明治神宮外苑絕對唔可以錯過！ 明治神宮外苑係日本最知名嘅賞紅葉景點之一，大路兩邊種滿銀杏樹，秋天時銀杏葉會一齊由綠轉黃，大路兩旁嘅金黃景象實在係靚到難以用文字形容～
明治神宮外苑（Meiji-jingu Gaien）簡介
外苑全名係明治神宮外苑（Meiji Jingu Gaien Park），屬於供奉明治天皇嘅明治神宮一部分。明治神宮外苑雖然唔係真係位於明治神宮側邊，但就歸明治神宮所管轄。明治神宮係日本傳統神社，外苑則較偏向西方庭園。有時間嘅話，請務必去哂呢兩個地方，體驗下佢地嘅唔同之處！
佔地廣闊嘅外苑入面設有多座運動設施，包括棒球場、高爾夫球練習場、滾軸滑冰場等。唔講唔知，呢度仲會有週開放嘅單車徑，喺單車郊遊嘅好去處！
漫天黃葉秋季美景
明治神宮外苑嘅銀杏樹道長約300米，大路兩邊種有146棵高大嘅銀杏樹。銀杏樹經過特別修剪，高度啱啱好俾遊客有一個完美嘅觀賞角度。銀杏樹會喺11月中開始轉黃，所以觀賞銀杏嘅最佳時機係11月底至12月初。
銀杏染黃時嘅景致真係靚到令人驚嘆，位人驚嘆，位於銀杏樹路後面嘅博物館做背景，就更加襯托出銀杏嘅美。有啲人話，銀杏轉黃後嘅顏色就黃金一樣。明治神宮外苑有好多影相嘅好位置，秋天就更加靚！
不過大家要注意！銀杏葉係可以喺一晚之間就全部凋落，所以就算您今日見到樹上面仲有好多銀杏葉，但都唔代表呢啲葉第二日都會喺到。銀杏樹落葉嘅時候，成條路會好似鋪咗金黃色嘅地墊咁，望落去金黃色一片。
銀杏祭（Gingko Festival）
當銀杏葉染上秋色嘅時候，明治神宮外苑通常會喺11月下旬到12月初舉辦銀杏祭，時間為早上10點至晚上6點，週末或公眾假期就會早半小時開始。祭典期間，現場會有好多攤檔，遊客可以喺度食到各種小食，同埋嚟自日本各地嘅新鮮蔬菜。如果有機會去外苑賞銀杏，就要順便盡情享受銀杏祭！
Comments