北海道小樽市（Otaru）距離札幌非常近，係北海道當地知名觀光景點之一。
小樽市嘅美食以及濃厚嘅藝術與手工藝氣息，因而令市內備受外界讚譽。如果想要見識一下日本最厲害嘅藝術家，小樽就絕對係您嘅好去處！市內擁有浪漫且令人驚艷嘅運河系統，叫人不禁聯想起歐洲水都威尼斯。雖然遊客無機會喺小樽乘坐gondola（威尼斯特色小船），但小樽運河沿岸嘅風景一樣美得令人驚歎，尤其冬天時白雪鋪滿沿岸，美景更係一絕！
如何到小樽市：
從相鄰城市札幌前往小樽市非常簡單，只需乘搭JR北海道線即可抵達，票價僅620日圓，且每個鐘頭都有5班車。此外，您亦可以從新千歲機場乘搭機場快線至札幌，然後再前往小樽。
如果選擇自駕，從札幌開往小樽則僅需花約25分鐘。
由於小樽係一個港口，遊客亦可以從小樽乘搭新日本海郵輪（新日本海フェリー）至新潟，航行時間約18個小時，票價最低為6,200日圓起。從小樽乘搭郵輪前往舞鶴，航程則需約20小時，票價為9,600日圓。
小樽觀光景點：
小樽運河 Otaru Canal：
小樽運河可以話係小樽市最知名嘅景點之一，其歷史能追溯至1923年。行人道沿運河岸邊一路延伸，夜晚時兩旁煤油路燈會照亮整條道路，仿如重現昔日懷舊場景。如果想要喺小樽安靜地散步，此處絕對值得您一到。
Yaovy / Shutterstock.com
Yaovy / Shutterstock.com
小樽音樂盒堂 Otaru Music Box Museum：
小樽市以製作音樂盒而聞名，而小樽音樂盒堂就能夠畀遊客了解到小樽音樂盒嘅緣由以及製作音樂盒嘅方式。館內除咗展示出多種唔同種類嘅音樂盒外，訪客亦可以自己動手設計，又或喺紀念品店買紀念品返屋企！
Javen / Shutterstock.com
Javen / Shutterstock.com
鯡魚御殿 （鰊御殿） Herring Mansion：
小樽係一個海港城市，因此漁業一直都係市內非常重要嘅產業，當中又以捕撈鯡魚為主。好多小樽嘅漁夫都因為捕撈鯡魚而致富，賺到嘅錢甚至足以興建一棟棟華麗氣派嘅豪宅。其中一棟於19世紀建成嘅豪宅「鯡魚御殿」更加係至今依然屹立不倒，遊客現時可以進內參觀、欣賞當時漁具，並了解小樽漁業喺歷史上及文化上嘅重要性。
小樽運河遊船 Otaru Cruises：
小樽市係一個水都，一場嚟到如果無好好探索風景如畫嘅河道的話一定會後悔莫及。遊客嚟到運河邊，可以乘搭由西邊啟程嘅遊覽船漫遊運河，航程時間約40分鐘。此外，您亦可以選擇乘船出港，於港口近海航行嘅遊覽船上通常都會有解說員為您介紹小樽風景民情，而且船隻亦會於中途停下，畀旅客有機會餵食聚集喺水面嘅鳥群。
蒸汽鐘 Steam Clock：
您可能無諗過會喺小樽見到蒸汽鐘，不過蒸汽鐘其實係呢到最具代表性嘅地標之一！蒸汽鐘實為完全依賴蒸汽運轉嘅加拿大溫哥華市所贈之物，如果喺搭正時前嚟觀賞，您仲可以聽到由汽笛演奏嘅美妙旋律𠻹。
購物及免稅店：
古物 Antiques：
小樽以古物聞名，市中心多間販售古物嘅小店非常廣為人知。您可以喺呢到搵到古董和服等各式唔同嘅商品。小秘訣：價錢通常都有商有量，放膽開口講價就啱喇！
音樂盒 Music boxes：
音樂盒係於日本與英美兩國貿易時傳入小樽之物。由古至今，小樽製造音樂盒嘅歷史已有數十年之久，現時音樂盒多被製作成各式形狀及大小，成為小樽各地都可以買到嘅絕佳手信。而最適合挑選音樂盒嘅地方，就係著名嘅小樽音樂盒堂。
twoKim images / Shutterstock.com
twoKim images / Shutterstock.com
玻璃製品 Glassworks：
小樽製作玻璃工藝品嘅歷史相當悠久，過去曾以製作煤油燈以及用作捕魚嘅漂浮球而聞名，現時業界則專注於製作裝飾品上，旅客能夠喺小樽各地搵到玻璃工房，部分工房更有提供吹玻璃體驗，讓參加者能夠製作獨一無二嘅玻璃碗或玻璃杯。
點玩先划算？
小樽市中心腹地唔大，建築物之間緊密相連，好多主要嘅觀光景點都只係數步之隔。因此，遊客其實唔太需要乘坐大眾交通工具，只需依靠雙腳即可行遍小樽。如此一來，唔單只可以慳返一筆交通費，仲好適合慢慢欣賞小樽嘅美好景致𠻹！
多處地方都有出售一個價錢就可同時參觀多家博物館嘅套票，因此喺購買門票前，建議先向售票人員確認有否套票可以選購。套票能使用嘅地點包括鐵路博物館及音樂盒博物館，單次門票盛惠300日圓，但多次進出嘅套票僅需500日圓，非常抵玩！
造訪小樽嘅好時機：
造訪小樽嘅時間大多取決於遊客偏好嘅天氣，因此我哋只會喺本文提供大方向建議。
小樽旅遊旺季為4、5月及8月，日本國內遊客多數會喺5月黃金週、8月盂蘭盆節，以及新年假期前往小樽觀光。
小樽主要係國內旅客嘅觀光勝地，因此上述期間會比其他時間更加熱鬧。
小樽夏季期間為6月至9月，但6、7月偶爾會落雨。
小樽冬天介於11月至1月之間，通常呢段期間天氣會變得非常寒冷，打算喺冬天前往小樽觀光嘅遊客有機會因此遇上落雪。
Comments