福岡城係日本德川家統一後建於1605年嘅城堡。關原之戰勝利後，黒田長政受封為築前（實際為福岡）嘅領主。
建造呢座新城堡有兩個原因：一是創建龐大嘅城堡嚟宣揚領主去獲取民眾敬重，二是為咗充分利用山嘅地型作為防禦。呢座城涉及到將多層石牆組合埋一齊，變成無堅不摧嘅建築物。但都仲係覺得唔夠，所以喺牆外仲建造咗灌滿海水嘅護城河。
黑田家族
黑田嘅氏族最初來自遠江國（今日嘅靜岡縣），但喺十六世紀末，其家族成員同時被分配到兩個貴族領地：中津城分配給黒田孝高（於1587年），福岡城給佢嘅兒子黑田長政（於1600年）。佢哋聽命於戰國時期（戰國時代，1467-1603）嘅三位主要霸主，按時間順序包括織田信長、豐臣秀吉同德川家康。雖然黑田孝高作為知名嘅策略師同豐臣秀吉嘅顧問而聞名，但黑田長政喺關原之戰中贏得德川家康嘅敬重。
城堡嘅建築構造
大濠公園周邊
呢個公園圍繞一圈約5公里，係一個好適合慢跑嘅距離。清水會見到一啲當地人，甚至有啲外國遊客沿公園跑步添。
土地
即使呢座特殊嘅城堡被建於合適嘅地理位置上，日本嘅城堡通常都係以人工土地堆為主。唔只可以幫助捍衛居民，如果有敵人試圖靠近攻擊都好容易發現得到，而且睇起嚟更加雄偉壯觀。雖然無可否認高地戰略都好重要，但亦係一種表達自己擁有雄厚實力同權利嚟捍衛呢個無價嘅稱號。
主塔・天守閣
福岡城堡嘅主塔高26米（從石牆開始）。俾你參考吓最高嘅主塔係42米高嘅安土城（近江國，現在嘅滋賀縣）。由於呢個係織田信長嘅住所，所以毫無疑問地係需要加強保護同強化。
可惜今日城堡已經唔存在喇。但我哋仲可以爬到石牆嘅頂部。從視野開闊嘅高地之上360度睇全景，眺望美麗嘅景觀並體驗身為17世紀霸主嘅感覺。
石牆嘅底部用石頭製成，呢種建造方式令佢更能固定喺陡峭嘅山丘上。堅固嘅位置加強咗框架嘅穩定性，特別係針對地震，但有人話呢種實力只係僥倖。底部嘅石牆可以達約6米高，其重量令佢難以被移動，所以其實都係好有用嘅。
透過圖片好難睇得出佢嘅真實尺寸，但係當你經過呢啲防禦建築時就會即刻意識到佢嘅用途。正如剛才所言，福岡城堡剩下嘅嘢幾乎都只係得返石牆，但相信小編，呢個絕對會令人留下深刻印象！
本丸（Hon-Maru）
「本丸」（Hon-Maru），字面意思係「主圈」，作為封建城市嘅中心，位於土地嘅頂部，無可避免地被石牆圍繞著以作保護。本丸係主塔，亦係政治總部。漫步於有著深切淵源嘅高原地區感覺超越現實，因為睇起嚟成個迷失帝國嘅遺跡咁呀。
然後係「二之丸」同「三之丸」，都擁有高等級武士家族特有嘅多層圓形石牆。
喺福岡城搵唔到三之丸，可能因為城堡嘅規模太小唔可以超過兩層，或者可能今日已不復存在。
最後，同好多歐洲中世紀城市唔同嘅係，由普通人同農民所居住嘅城市「城下町」或「城堡鎮」唔受石牆保護，睇嚟佢哋都唔會因畏懼敵人而動搖。
結論
福岡城堡遺跡係個幾受歡迎嘅景點，因為位於著名嘅舞鶴公園內，交通方便又喺繁榮嘅環境當中。不過小編覺得了解更多關於佢嘅建築同歷史背景可以令你嘅旅程變得更有趣呀！
相關資訊
- 名稱：福岡城
- 交通方式：從天神或博多：福岡市營地下鐵「赤阪」站或地下鐵「大濠公園」站落車，向舞鶴公園行約5-8分鐘。
- 地址：福岡縣福岡市中央區城內
- 地圖：
Comments