將蝦子、鱚魚等海鮮，或者南瓜、蕃薯等蔬菜，沾上麵粉同蛋液之後，用油炸出嚟嘅，就係「天婦羅」。「天婦羅」同壽司、壽喜燒等齊名，都係日本料理嘅代表，非常受歡迎。唔單止可以喺天婦羅專門店或者日本料理店可以食到，亦都係日本家庭成日會整嘅家庭菜。
今次我地嚟一齊睇吓天婦囉嘅歷史根源！
源於葡萄牙？外國菜式流傳入九州・長崎
據說天婦羅係喺16世紀中，同槍炮一齊傳入日本。天婦羅係由葡萄牙人帶至九州・長崎嘅歐洲菜式。而「天婦羅」呢個字，亦有說法來自於葡萄牙語嘅「Tempero」，意思係指「餸菜、烹調」，但當時被誤會喺呢道菜式嘅名。；也有說法係指「天主教嘅守大齋期」。喺當時，油係好貴重嘅。所以用咗大量油嚟煮嘅天婦羅，係高級嘅食品。
菜籽油、麻油嘅產量增加，令天婦羅成為百姓嘅美食
去到江戶時代，因為菜籽油同麻油嘅產量增多，天婦羅亦都漸漸成為大眾料理，擴散起嚟。炸天婦羅時會有好多油煙、仲會有發生火災嘅危險，所以通常都唔會自己喺屋企整，而係幫襯外面嘅店舖。通常唔係當配菜，而係當一道餸菜。同壽司、蕎麥麵齊名，被稱為「江戶三味」，紮根喺百姓當中。
用竹籤串起，配埋蘿蔔泥上碟
江戶時代嘅天婦羅，同現代嘅唔同，為咗方便食用，好多時係用竹籤拮住上碟畀客人。售價大概1串4文錢（轉成現代幣值，大概係80日圓），係價錢大眾化嘅食物！對當時嘅人嚟講，肉同油都係好少可以食到嘅，所以天婦羅呢種油炸嘢食喺好特別嘅存在。為咗食起嚟唔會太過油膩，通常會配埋蘿蔔泥。之後，天婦羅慢慢咁向高級路線進化，例如有師傅去客人屋企現場煮嘅「外派天婦羅」，亦有高級料理亭提供嘅高檔天婦羅等等。
天婦羅蓋飯、天婦羅蕎麥麵等衍生料理嘅誕生
去明治初期，喺銀座、淺草同埋日本橋區，有好多天婦羅專門店誕生，後嚟去到明治中期，「座敷天婦羅」就登場！即係一個包廂一組客人，然後喺客人面前現炸天婦羅之後，放喺飯上面，整成天婦羅蓋飯，或者配上蕎麥麵一齊食嘅衍生進階料理。
時至今日，無論係日本人，還是嚟日本旅行嘅遊客，都會食天婦羅呢道受歡迎嘅料理。希望你食過之後，可以同我地分享你嘅感想～！
Comments