壽司係去日本一定會想食嘅日本傳統料理之一。一般嚟說對於壽司嘅印象就係喺醋飯上放新鮮嘅海鮮食材，然後用手捏塑成型嘅「握壽司」，但其實佢仲有其他唔同嘅型態。壽司係經過點樣嘅過程，令全世界都鍾意上「握壽司」嘅呢？就等我哋從壽司嘅歷史嚟解開呢個謎啦！
壽司原本係…發酵食品！？
一般人對於壽司嘅印象，就同張相一樣，係用手捏實醋飯再上放著吞拿魚、三文魚、蝦子等新鮮海鮮食材。但嚴格嚟講，呢個只係「握壽司」。壽司據說發源於奈良時代嘅魚肉醃漬物「熟鮨」。將用鹽醃過嘅魚同飯放入同一個容器內，以石塊長時間加壓，利用飯嘅乳酸發酵令魚肉熟成，變成帶有酸味嘅「魚肉發酵食品」。
為咗加快發酵過程而進行加工
熟鮨嘅發酵要經過1、2年先可以將魚肉拎嚟食用，但變成糊狀嘅米係唔會食嘅。到咗江戶時代，為咗縮短發酵時間，出現咗一種以強力加壓方式去促進發酵嘅「押壽司」，再將押壽司同醋混合之後用葉個別捲起嚟變成「笹卷壽司」。至於現今嘅握壽司，就係因為笹卷壽司嘅啟發，喺江戶(現東京)誕生咗而家我哋所見、於醋飯上疊放切片海鮮類食材嘅「握壽司」。
握壽司係江戶時代嘅速食！
壽司於江戶時代開始流行。當時嘅壽司並唔似而家咁高級，而係路邊攤檔賣嘅食物。價格係一貫四文錢（約80円），客人直接企喺度食，就好似街邊小販嗰種咁輕鬆嘅感覺。當時嘅江戶，即日出糧嘅臨時工好多，對佢哋嚟講，低價壽司攤檔係好受佢哋歡迎㗎。
因為製冰技術同冰箱嘅出現而普及全國
另一方面，開始出現將銀幣（一朱銀）埋入壽司中嘅高級壽司，以至於喺江戶時代嘅天寶改革（1841～1843）時期，因為發佈咗儉約令而將200個以上嘅壽司職人判處刑罰。到咗明治時代則因為製冰技術嘅發達，營業用嘅冰箱普及化，更容易保存海鮮類嘅鮮度，壽司因此由東京擴散到全國各地。昭同時代嘅「迴轉壽司」同喺自己家裡製作「手捲壽司」大為風行，令壽司都進入一般家庭之中。
Comments