您有聽過群馬縣「達摩寺」嗎？

群馬縣・少林山達摩寺

對好多日本迷嚟講，都應該唔會對以下呢個紅色身軀、被推跌會即刻企返起身嘅「不倒翁」感到陌生。達摩有著一對大眼睛，外貌非常討人喜歡，係日本經典嘅代表物品之一。

而喺群馬縣，就有一間別名為「不倒翁寺」嘅寺廟－「少林山達摩寺」。

寺廟內堆放著多個各式表情且大小不一嘅不倒翁。聯同庸內多座狐狸等守護獸銅像，達摩們完美發揮出此處獨特個性，成就出畫面稀有且珍貴嘅一間特色寺廟。

除咗有數之不盡嘅不倒翁之外，寺廟內仲設有多間資料館，展示著各個時代嘅不倒翁以及其歷史介紹。

當然，寺廟裡亦有販賣多款以不倒翁為主題嘅商品，從御守(護身符)到手帕等等各種陳列款式都應有盡有。
因為被視為吉祥物嘅不倒翁象徵著積極向前、永不放棄之意，因此經常被善信當作送禮物品。

日文中有一句諺語叫作「七起八落（七転び八起き）」，如翻譯成中文，即「無論跌倒幾多次都可重新振作企返起身」嘅百折不撓意思。
而呢種遇到任何困難都唔輕易放棄嘅精神，就普遍被日本人視作為不倒翁嘅象徵。

另外，不倒翁另一特徵就係通常都會以未被點睛嘅狀態出售。
日本人喺許願嘅時候，一般都先買一個未畫上雙眼嘅不倒翁，許願過後先會為其畫上左眼（面向我哋嘅右邊），
等到願望實現後，先會將剩低嘅右眼（面向我哋嘅左邊) 補上。

除咗嚟欣賞寺廟奇妙景觀之外，當您正經歷痛苦得無法堅持落去嘅時候，亦可以到此參拜、趁機讓達摩嚟激勵、守護自己。
所以，您仲坐喺到考慮啲乜呢？仲唔快快趕到不倒翁寺行一趟！？