宮島，知名嘅海上神社

喺1996年被列為世界遺產嘅嚴島神社，係日本知名神社之一。位於宮島上面，喺廣島縣嘅廿日市市乘搭渡輪幾分鐘即可到達。傳說建造於593年，作為祈求嘅地方已經長達1400年。最具象徵性嘅係矗立喺海上嘅大鳥居。高16.6米，由天然楠木製成。朱紅色嘅大鳥居同蔚藍嘅海洋相映，對比形成無比嘅美景。

喺海上嘅鳥居同神社

立於海上嘅其實唔係凈係得大鳥居，嚴島神社嘅主建築本身都係建造喺海上面。每當漲潮嗰陣，海水就會漲到神社下方，形成好似圖中咁嘅景象。

行到去大鳥居

當退潮嗰陣，可以睇到大鳥居嘅底部，而且仲可以行到去大鳥居嘅正下方。大鳥居同陸地相距大約200公尺，試吓行過去睇睇啦！

探訪得意可愛嘅野鹿

宮島同樣都以有好多野鹿棲息而聞名。喺呢度嘅野鹿係禁止觸摸同餵食嘅。只係睇吓、觀察呢D得意可愛嘅野鹿其實已經令人相當心滿意足啦。當然，仲可以盡情咁影相。

唔可以遺漏嘅特色甜食

宮島美麗嘅楓樹都相當著名。喺春、夏季嗰陣美麗嘅嫩綠，到11月中旬至下旬嗰陣，楓葉開始轉紅。紅葉谷公園係賞楓嘅知名景點。以公園嘅楓葉為模型嘅紅葉饅頭，係一種日本傳統甜品，喺日本廣為人知。使用柔軟嘅麵團包入紅豆泥嘅內餡製成，非常美味。喺宮島當地，亦都有油炸紅葉饅頭嘅食用方法 ，係適合外出嗰陣食用嘅點品。

喺宮島上嘅嚴島神社，可以同時欣賞到天然與人造嘅美景。喺呢度推薦俾您，有機會一定要嚟呢個被揀選為日本三景之一嘅地方睇睇啊。