你好！我叫Navio，等我介紹我新寵物獨角仙你識，或者我地用返日文，叫「カブトムシ (Kabutomushi)」。係一個朋友喺屋企附近捉到送畀我嘅。捉昆蟲係日本小朋友好鍾意嘅遊樂之一，尤其係受男生歡迎。大家通常都會喺暑假去捉昆蟲。而昆蟲中獨角仙就好受歡迎，你知唔知獨角仙可以舉起佢100倍以上嘅重量？係咪好勁呢？
雖然呢隻小昆蟲咁勁，但養佢都需要畀間「屋仔」佢。其實喺「100円店」都可以搵到間靚屋畀佢。等我搵埋其他養獨角仙嘅用具先。
養獨角仙所需用具
飼育盒 (Shiiku keesu)
- 土壤
- 水/啫喱容器
- 營養水
- 昆蟲用啫喱
齊哂工具就可以開始！等我示範畀大家睇點樣幫獨角仙整靚間屋企啦！
如何準備獨角仙之家？
就如上圖咁，將土壤放入箱入面。咦？你話個箱唔同咗樣？無錯，我最後買咗個米箱(第二張圖嘅左2)代替。因為個米箱大過個鉰育盒。記得要揀個箱頂可以通風嘅設計，咁獨角仙先可以呼吸。將土壤放入箱到，大概佔箱容量30%就可以。
跟住就放兩個啫喱同水嘅容器杯仔入去，用嚟將獨角仙嘅飲用水同食糧。仲加咗啲木碎比佢添。到最後帶埋獨角仙入佢新居就完成。小心啲放佢入去，唔係佢會飛走架！
加埋營養水同昆蟲食用啫喱就完成。
獨角仙每日餵一次就夠。記得要將佢屋企安置喺涼爽陰暗角落喎。要避免被太陽直射。當然仲要記得定期幫獨角仙清潔屋企，如果唔係會有惡臭架！
你望吓佢隻角！係咪好型先！
啊！我未幫佢改名添！大家有無乜嘢好提議？
Comments