大家好！好評系列文章嚟到第5回，今次就由一位旅行雜誌編輯A小姐同我哋分享佢嘅手機APP！
日本嘅16歲至49歲女性會定期使用嘅手機應用程式(APP)係平均6.3個*。除咗LINE、Facebook、Twitter等常見社交網站，同埋遊戲、新聞、購物、天氣、動畫等多種類嘅手機APP都係現代人唔可以無喺手嘅APP。今次，我哋就嚟睇吓喺東京工作嘅八十後日本女性雜誌編輯嘅手機螢幕CAP圖啦！追求「便利」嘅佢，喺咩情況下會用啲咩嘅手機APP呢? 就等我哋嚟揭開面紗啦!
*2017年女性智慧型手機使用情況調查，MMD實驗室調查
時事新聞到娛樂消息一點即可掌握嘅「新聞應用程式」
其中一個用緊就係同大型報刊出版社、電訊公司、雜誌、旅遊網站等媒體合作嘅新聞APP「Smart News」。A小姐表示：「最新消息同感興趣嘅話題都可以即刻掌握得到，呢個對我同客戶建立話題相當有幫助，每日都會喺朝早, 中午同夜晚固定三次打開嚟睇㗎。」可以喺短時間內掌握最新情報同消息係呢個APP嘅最大魅力！
隨時隨地都可以立即做記錄嘅「行動筆記」
A小姐話應用程式「Evernote」係「喺返工中途突然諗到新idea時, 或者作為工作嘅備忘錄、會議記錄等, 隨時都可以打開嚟做筆記。係工作上不可或缺嘅APP。」
優點係可以儲存無法保存喺紙上嘅資料，例如網頁、PDF、音樂影像同圖片。無論係智慧型手機、iPad定係電腦，都可以同步進行儲存。
梅雨季, 颱風季節時不可或缺嘅「天氣應用程式」
喺梅雨季同颱風季節中特別用得多嘅係「Yahoo!天氣」呢個APP。A小姐表示：「呢個係一個喺工作同生活中不可或缺嘅APP，例如想知道可唔可以去進行取材、可唔可以洗衣服曬衣服，都需要靠佢呢！」天氣唔單只每兩個鍾更新一次，仲可以check到6個鍾後嘅降雨量, 用嚟確認雨雲狀態嘅天氣雷達圖像、或者係PM2.5濃度、花粉情報等都可以睇到。
提供超過273萬個以上食譜嘅「料理食譜應用程式」
A小姐話：「喺周末或者要整家庭料理嘅時候都非常實用。只要用想使用嘅食材嚟search(檢索)，從經典菜式到創意菜式，都可以喺呢數以千萬計嘅食譜度搵到出嚟，係好方便同好用㗎!」其中A小姐愛用嘅係料理食譜網站先驅嘅「Cook Pat」, 入面有好多簡單又快速完成嘅食譜，亦有因為咁而鍾意咗整嘢食嘅人呢！
八十後女性雜誌編輯使用APP係為求「便利」！
科技日新月異，每日都會有新手機APP發佈同上架。喺東京工作嘅八十後女性編輯使用天氣、料理食譜等實用性為主嘅APP，似乎喺工作同私生活方面都追求「便利」呢！最近仲有料理教學影片嘅食譜APP，同埋賣二手商品嘅跳蚤市場類型嘅APP等，都喺日本好有話題性㗎。
Comments