Hi！大家好！你哋都應該好常用手機睇我哋 FUN!! JAPAN 個網站啦，係咪？你都用咩APP㗎？我Download咗好多APP，但幾乎有一半嘅APP我都唔記得係用嚟做乜嚕。
住喺東京嘅年輕女生愛用嘅APP
今日我要同大家分享一個東京女生嘅手機螢幕Cap圖。佢個名叫春菜（Haruna），係一位典型住喺東京, 熱愛法國咖啡店嘅少女。
FUN! JAPAN（以下簡稱FJ）：Hi! 春菜，好高興認識你！
春菜（以下簡稱H）：Hi，我都好高興認識你。
FJ：聽講你喺東京讀大學喎，大學生活點呀？你主修咩科㗎？
H：我主修國際溝通，因為畢業後我想去國際機構或者外資公司返工。
FJ：哇！正喎！所以你擺好多時間喺讀書度？
H：其實都唔係好多。大多數時間我都會去東京最cool嘅地方啲咖啡店, 就好似代官山、自由之丘同中目黑。我鍾意法式裝潢、亦鍾意去啲有法國書同法國餐單嘅法式咖啡店。我想喺嗰啲咖啡店度做功課，只不過每次最後都變成一直喺度影相、用手機修圖後upload上網。
FJ：（笑）我好肯定都唔只得你係咁！可以請你話俾我哋嘅讀者知，你最鍾意嘅APP有邊啲嗎？
H：當然可以！呢個係我部手機。你都睇得出好粉紅，好卡哇依呢。我都係用粉紅色當背景多。而家嘅背景係粉紅色玫瑰嚟㗎！
FJ：好，我而家睇吓你有啲咩APP先。我睇到好多修圖APP喎。
H：無錯！我好鍾意影咖啡店，我會搵啲好用嘅APP嚟修圖同朋友分享。當然我都好鍾意同朋友影相，所以我都需要一啲可以俾我哋隨著心情要變靚、怪異或者好笑又得嘅APP。
修圖APP分享
FJ：你最鍾意嘅係邊一個修圖APP呢？
H：絕對係「PicsArt」。我同朋友都好鍾意修圖，例如加貼圖、畫圖同有趣嘅設計。我哋會upload啲相上社交網路或者同其他朋友分享。「PicsArt」有超過1000種編輯方式同100種樣式設計，你仲可以自製貼圖添！我哋好輕鬆就可以做出獨一無二嘅拼貼相。好得意㗎！
FJ：「PicsArt」有多種語言，包含印尼文、泰文、繁體中文、越南文同英文。FUN! JAPAN 嘅會員朋友都一定會鍾意㗎！
H：真係㗎？咁我再介紹另一個APP，叫「Camera360 – Selfie Filter Cam, Photo Video Editor」。可以用嚟編輯影片，而動態貼圖係我嘅最愛。
FJ：呢個APP都支援泰文、繁體中文、越南文和英文呢。
H：其實我唔太識睇英文，不過我仲係好鍾意呢個APP。所以就算 FUN! JAPAN 嘅會員係非英語母語人士都可以用呀。
FJ：呢個係個好消息嚟喎！等等，你唔係將來想去外資公司返工咩？
H：係呀……我知我要更努力，更認真咁學英文先我。所以我每日都上 FUN!! JAPAN 嘅網站學英文，同其他會員一齊練習寫作㗎。
FJ：聽起嚟都唔錯喎！多謝你今日同我哋傾計呀。
以上就係我哋嘅訪談內容喇，你鍾唔鍾意呀？我哋計畫會持續進行呢個系列。所以請話俾我哋知你想睇邊個嘅手機螢幕CAP圖啦。例如online時尚雜誌嘅女編輯？旅遊雜誌嘅男性攝影師？女性婚禮策劃顧問？壽司師傅？藝妓？定係 FUN!! JAPAN 嘅編輯呢？邊個都可以，我哋都會試吓去連絡，睇吓佢哋用緊嘅手機係點嘅樣吖。我哋會安排訪問你哋有興趣嘅人士，所以歡迎你哋留言俾我哋呀～
Comments