唔單只係日本，相信各位讀者身處嘅國家應該都有好多身兼職業主婦、媽媽與妻子角色三職，每日都過著忙碌生活嘅女性吧？今次我哋就會打開身兼以上三職嘅三十零歲上班族女性嘅化妝袋，一齊嚟睇吓裝得滿滿嘅化妝袋裡面究竟裝咗啲咩產品啦！
貪靚女士必買！可以令妳望上去精神滿滿嘅閃令令眼影
「眼妝的話，我近幾年都係用Addiction嘅癮彩眼影系列，因為色號31號同21號愛戀眼影都好夾秋天唇色。而旁邊打亮用嘅Canmake珠光色眼影則主要係負責眼妝基本色，特別係而家我嘅髪色偏淡紫色調，膚色望上去會較暗，所以就用金屬色嚟當底色。」
為底妝上少少金屬色調，就可以馬上提昇立體感光澤度
「出門帶全妝時，如果要遮住一邊臉上嘅雀斑，NARS妝點甜心遮瑕霜就會係我嘅必備首選！只要一個唔覺意用過一次NARS遮瑕霜之後，您就大概唔會再想用其他產品！」鍾意用偏冷色調做基底色調嘅呢位媽媽表示，當用完NARS橙色調腮紅同腮紅刷後，時尚感同立體光澤度都即時有所提昇，因此覺得相當滿意呢！
見明星用過之後我都跟住買返一支，估唔到真係超好用呢！
「眼妝好重要嘅一部分就係眉毛、眉形同埋襯返髪色嘅眉色。上圖係日本搞笑藝人渡邊直美非常鍾意用嘅Heavy Rotation眉彩膏，佢可以令眉毛顯得有種輕盈感，而且用完之後成日都唔會甩𠻹！睫毛膏的話，我就用緊Flowfushi嘅Mote睫毛膏。呢款連化妝師嘅使用率都好高，因為佢用起上嚟嘅仿真度極高，可以令到睫毛條條分明而且非常持久，內裡仲加咗美容成分，用溫水就可以落妝，對於駁假睫毛嘅人嚟講係非常好用嘅產品！」
「最後一個就係WATOSA超級遮瑕粉底棒。只要將佢搽上膚色唔均勻嘅地方並稍微按壓後推勻，佢就會平滑地化開，仲唔會卡粉喺細紋內，非常簡單就可以做出自然又滿意嘅妝容！」
今次受訪者嘅化妝袋內放咗咁多特色化妝品，睇完以上介紹，各位女士又覺得點樣呢？記住要隨著季節同心情做出改變、隨時注意流行時尚並定期入手新產品，先唔會成年都係以同樣妝感示人㗎～
Comments