大受好評嘅「打開日本女生手袋系列」，今次嘅受訪者係一位已經有個讀緊小學嘅女嘅媽媽級事務女性。身材唔高，力氣亦唔大嘅佢，偏好拎細細個嘅手袋。但因為手袋細細個，容量有限，所以可以帶嘅嘢亦要精簡到最少。咁究竟佢手袋入面裝咗啲乜嘢呢？等我地一齊嚟窺探吓啦！
媽媽級先會帶嘅３樣嘢？！
帶喺身上方便隨時有用嘅係花王濕紙巾，除咗抹汗之外，仲有防曬功能喔！另外因為有小朋友，所以會常備毛巾質地嘅手巾，同埋用日本紙做嘅小信封袋。如果要畀錢，例如會議費用或者收款嘅時候，比起直接拎錢出嚟，放入小信封袋係更好更Smart嘅做法！
佢話係大概由兩年前開始鍾意用銀包仔，但如果散紙太多嘅時候，銀包拉揀就會閂唔埋，所以今年夏天仲開始用埋大自然風格嘅散紙包！
得閒就會去上Hot Yoga，亦會去跑步！化妝工具亦好重要
Hot Yoga一個星期會上兩次，上完堂流完汗就一定要補妝，所以化妝包總係會裝滿嘅。另外，一邊跑步會一邊聽音樂，所以一定會帶住藍芽耳機。既為人母，亦同時係事業女性嘅佢，更加特別注意健康同美容，所以有空閒時間就會善用嚟做運。而化妝包入面除咗有化妝品之外，髮圈、隱形眼鏡之類亦係一定會帶喺身。
兼顧工作同家庭好忙，但流行時尚資訊亦係唔少得！
事業媽媽最近買咗兩項新愛好物品，一個係啱啱今個月才開賣嘅CHANEL護手霜，鵝卵石外型同佢嘅香味都好有療癒效果！而另一個竟然係胃藥，原來係因為佢好鍾意去食人氣話題嘅名店，又或者試新開嘅餐廳，雖然對自己腸胃有自信，但以防萬一唔小心食太多，或是食咗太刺激嘅食物就會胃痛，所以胃藥亦都變成手袋入面嘅必備品。即使怕傷胃，話題美食都係唔可以缺少嘅！
睇完以上內容大概覺得點呢？你嘅手袋入面又裝著啲乜嘢呢？想睇吓其他日本女性嘅手袋有乜嘢嗎？咁就千祈唔好錯過呢個系列嘅文章啦～歡迎大家隨時喺右邊留言欄話俾我地知你嘅感想同意見啊！
Comments