[KAWAII小資女穿搭術 with GU] Vol.2
因為價格實惠而深受日本人歡迎嘅時尚品牌GU係追求「讓時尚更自由」嘅UNIQLO姐妹副品牌。今次畀我哋編輯部遇到一位能夠將GU穿搭得更為時尚嘅日本女性Alice，只用5000yen就可以解決全身穿搭，就等我哋一齊嚟睇睇990yen深藍色裁剪緊身褲要點樣襯啦！
第一件單品記得要買深藍色款
話裁剪緊身褲係重複穿搭術前五名嘅單品都不為過，無論上半身係長係短都可以順利襯出好睇穿搭。七分褲的話，就更係春夏秋三個季節都適合穿搭，特別係GU嘅裁剪緊身褲腰圍為鬆緊帶設計，十分輕鬆舒適；而布料亦用上伸縮性材料，方便移動時更靈活。雖然有多種顏色可供選擇，但最推薦畀大家嘅就一定係深藍色款，因為深藍色除咗可以令上身唔同配搭通通望上去都顯得更高雅之餘，亦可以著出有如牛仔褲嘅休閒感。今次我哋就選擇咗配搭花紋外套，結果同預期一樣，外觀望上去就似配搭咗西裝褲一樣咁好睇！
休閒風穿搭更添精神活力
淺藍色褶邊袖襯衫當然亦係GU出品。單品唔單只唔容易起皺，而且仲因為衫長較短，因此無論係長褲定裙都非常適合，成為重複穿搭嘅好幫手。外面仲可考慮另外搭上外套或針織外套，作為一個短版合身嘅上衣配襯！
呢到要畀大家一個重點提醒，就係褶邊袖等單品可能只限於當年流行，但如果係想購買當季流行款商品的話，平價GU就當然唔會令荷包構成煩惱啦！
華麗亦得、優雅亦得
即使係同樣嘅穿搭，都可以令整體風格感覺顯得唔一樣。緊身褲配搭上束腰長版上衣的話，通常都會畀人一種走可愛路線嘅感覺，但當今次配搭換上同色系束腰長版上衣，效果就立即變得華麗又優雅，再配搭上一對紅橙色鮮亮色彩嘅涼鞋，就更加係大大提高咗穿搭嘅檔次同品味𠻹！
今次嘅穿搭介紹您覺得如何呢？只要有一條緊身褲，就可以將平時穿搭打造成優雅風格，相信絕對會成為您旅行時嘅必備單品呀！
Comments