上圖多個世界級知名嘅日本化妝品品牌，唔知妳又係咪用家之一？今次要同大家分享嘅，係於新宿公司擔任營業一職嘅30歲後半OL嘅化妝袋。就等我哋一齊嚟睇吓本人化妝袋內嘅產品、並且順便向佢請教每一樣嘅使用時機啦！
越接近40歲、肌膚就越乾！
呢位30歲後半嘅OL（女性上班族）即將進入40歲階段，平時習慣定期每月做兩次臉部調理保養，尤其係特別會注重肌膚修護一方面。對於擔任營業要職、要時常進出公司，當空氣或溫度改變時都會格外在意肌膚狀況變化嘅佢嚟講，上圖4款產品可謂絕不離身嘅「鐵四角」！
右邊Avene舒護活泉水，係當室內冷暖空調令肌膚變得乾燥嘅時候，往臉上保濕時所用嘅產品；Allie EX UV高效防曬凝乳則主要於補妝時當作打底使用。
SHISEIDO White Lucent 高效防曬妝前底霜用於避免日曬時臉部泛紅、又或妝前打底後使用；而最左邊一支則係眼藥水，深明眼睛乾燥為大敵，呢位OL亦為咗時刻保持眼睛潤澤感及預防雙目老化常備在身。
意外嘅部位都要預防乾燥？不愧係美意識其高嘅日本女性！
喺今次訪問過程中，我哋仲發現咗幾項令人好在意嘅產品－例如呢個外表透明嘅化妝品同前方嘅 Kesalan Patharan化妝品。一問之下，透明包裝嘅原來係指甲專用指緣油！目的在於塗抹指甲周圍、令指尖吸收後回復活力。據本人所講，由於返工時需要長時間使用電腦，所以手指嘅修護都一樣係不可或缺喎！
睇完呢位三十零歲新宿OL嘅化妝袋之後，唔知各位又覺得如何呢？原來接近40歲嘅日本女性就算係返工時，都係依然唔會放過每一個細節呵護呢！今次介紹嘅化妝品，無論邊一款都係可以喺日本藥妝店或百貨公司化妝品賣場輕鬆買得到嘅款式，有興趣嘅朋友不妨都買返支試吓啦！
Comments